掃呢頁CODE去手機

2017年1月12日 星期四

震住跳樓 雨僑跌傷膝頭 [壹週刊 - 1401] __,雨僑,羽翹,M1,

雨僑坐天台邊緣,震住擺出厭世表情!娛樂偵訊震住跳樓 雨僑跌傷膝頭近年主力做KOL同網購生意的雨僑,回歸電影圈接拍邱禮濤執導新片《常在我左右》。先苦後甜,一埋位,就要拍重頭戲。週日(8/1),劇組於中環九如坊拍跳樓戲,嚴重畏高的雨僑,顧得腳仔軟,顧不到跳樓動作,全晚震住頂硬上,最終膝頭落地,睇見都痛!道歉打定底跳樓戲現場是中環九如坊一幢六層樓高唐樓的天台,下午通告,組機set燈,入夜後,先由雨僑的替 ...


雨僑坐天台邊緣,震住擺出厭世表情!

娛樂偵訊

震住跳樓 雨僑跌傷膝頭

近年主力做 KOL同網購生意的雨僑,回歸電影圈接拍邱禮濤執導新片《常在我左右》。

先苦後甜,一埋位,就要拍重頭戲。週日( 8/1),劇組於中環九如坊拍跳樓戲,嚴重畏高的雨僑,顧得腳仔軟,顧不到跳樓動作,全晚震住頂硬上,最終膝頭落地,睇見都痛!

道歉打定底

跳樓戲現場是中環九如坊一幢六層樓高唐樓的天台,下午通告,組機 set燈,入夜後,先由雨僑的替身埋位,企上僅僅得腳掌闊的天台邊,攤開雙手,擺出一躍而下的姿勢。

晚飯時間之後,雨僑終於現身,現場所見,緊張的她目無表情,渾身僵硬。

「佢(雨僑)一嚟到就話自己有畏高,要喺天台開工,有可能影響表現,叫我哋體諒;初時以為佢講客氣說話,到之後叫佢好多次上去睇吓個位,佢一味話等陣先,直到導演嗌埋位,佢面色都灰埋,先知係堅畏高,仲要係嚴重嗰隻。」一名工作人員透露。

雨僑試跳了七、八次,才鼓足勇氣,讓導演正式 roll機。

第三 take,膝蓋落地,痛到坐在墊上成分鐘才起到身。

驚到走光

工作人員先安排雨僑拍一些扮死的簡單場口熱身,之後拍坐上天台邊鏡頭。埋位望落地面,三秒唔夠,雨僑便嚇得向後縮,更顧得動作又顧不到走位,搞到打底褲露於人前。

終於到戲肉,雨僑要企在最高位置,然後跳落半呎距離左右的軟墊上。未埋位,先打震!幕後人員指畏高的雨僑連爬樓梯上天台最高點都有困難。

「佢真係成個人震晒,雙手捉住條樓梯,隻腳好似唔識郁咁,要後面個工作人員推佢,先慢慢爬到上頂。」

因手腳欠靈活,雨僑一雙白滑玉腿滿布傷痕。

替身代雨僑站在只有一隻腳掌位的天台邊進行拍攝。

未正式埋位前,雨僑從六樓天台望落地下,三秒即閃,驚到呢!

膝蓋着地

上到天台最高點,替身先仔細向雨僑講解動作,再即場試跳。足足試了七、八次,雨僑才儲夠信心,跳落半個人高的軟墊上。

現場工作人員說雨僑全身震住埋位,頭兩 take,交到動作但又唔夾表情,拍第三 take時更因為畏高緊張的關係,搞到膝頭先落地,在軟墊上坐足成分鐘,雨僑才可以起身再拍。

「我好驚,真係好驚……我又笨手笨腳唔識落地,搞到擦損晒!」雨僑說。

雨僑近年主力做 YouTuber教化妝和搞網購生意。

同羅力威拍拖多年,兩人最近更傳出婚訊。

撰文、攝影、攝錄:娛樂組


鍾意就快D Share啦!