網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月19日 星期四

周杰倫香港十日 嫩妻昆凌跟實 [壹週刊 - 1402] __,昆凌,周杰倫,M1,

探熱針周杰倫香港十日 嫩妻昆凌跟實台灣天王周杰倫九場《地表最強世界巡迴演唱會》上週開鑼,三年冇在港開騷,唔單止「J迷」瘋狂,圈中名人都爭住去朝聖;門票更被「黃牛」黨炒高,原本$1,080的貴價飛,炒到四千蚊一張。周董來港吸金,廿三歲嫩妻昆凌都做跟得夫人,上週四(一月十二日),周董唧出時間,同老婆拉大隊,操落銅鑼灣掃貨買買買。血拼銅鑼灣開騷連唱四晚,上週二,周董停唱休息抖一抖。下午四點幾,兩公婆現身 ...


探熱針

周杰倫香港十日 嫩妻昆凌跟實

台灣天王周杰倫九場《地表最強世界巡迴演唱會》上週開鑼,三年冇在港開騷,唔單止「 J迷」瘋狂,圈中名人都爭住去朝聖;門票更被「黃牛」黨炒高,原本$1,080的貴價飛,炒到四千蚊一張。

周董來港吸金,廿三歲嫩妻昆凌都做跟得夫人,上週四(一月十二日),周董唧出時間,同老婆拉大隊,操落銅鑼灣掃貨買買買。

血拼銅鑼灣

開騷連唱四晚,上週二,周董停唱休息抖一抖。下午四點幾,兩公婆現身銅鑼灣,二人均戴住黑色口罩,分開行又分車坐,表現避忌;但同行有超過十名工作人員和保安護駕,咁大陣仗,盲都見到!

一隊兵先殺入百德新街一間鋪頭仔,但逗留約十分鐘便離開,之後再操去附近的 I.T血拼。天王駕到,店內員工大為緊張,加派人手招呼 VVIP;而隨團兩名保安則守在店外,一見有人舉機,即大為緊張。不消廿分鐘,已見工作人員拎住周董的戰利品步出,兩公婆尾隨各自上車離開。

周杰倫來港開騷,嫩妻昆凌做「跟得夫人」。

兩公婆蒙晒面行銅鑼灣,身邊十幾人傍實,惹人注目。

掃完貨,一行人搵地方醫肚,周董第一時間問老婆意見。

歎完西餐,周董同昆凌前後腳離開餐廳,好避忌。

陪買俾意見

下一站, D-mop。今轉周董純陪買,昆凌在女裝部左揀右揀,他全程在旁俾意見。十五分鐘已經揀到心水,試都冇試,埋單走人。

過完手癮,輪到口癮!一行人最終決定在京士頓街一間西餐廳醫肚。到埗後,工作人員先入內視察環境,揀定一個最隱蔽的角位,才通知周董和昆凌落車,食唔夠一個鐘,昆凌率先上車走,過冇耐,周董便同助手離開,返回酒店休息。

結婚兩年,周董同昆凌十足十連體嬰。老公開工,昆凌十次有九次做「跟得夫人」,陪住周董四圍巡唱。今次留港十日,昆凌一直冇公開現身。

周董好貼心,陪老婆行女裝部兼埋單。

難得來港,昆凌順便過大海去澳門一日遊。

廣東話氹 J粉

結婚兩年,周董同昆凌火速造人,前年誕下女兒 Hathaway。

據知,周董開騷頭一晚,下午彩排時間昆凌已從秘密通道混進紅館後台,幫老公打點,至於一歲囡囡 Hathaway,始終未見出現。

「開騷第一日, Jay嫂嚟紅館嗰陣戴晒帽同囗罩同行得好急,一到就衝入後台化妝間,跟住就冇出過嚟,到差不多完場,佢又一支箭咁喺後門走咗。」一名工作人員透露。

九場演唱會場場爆到瀉,周董冇欺場,全晚唱足三十三首歌,換十套戰衣,又經常用半鹹半淡廣東話同現場觀眾傾偈,落力搞氣氛。 Encore部分,周董更特別苦練廣東話,唱出校長譚詠麟的《一生中最愛》冧 fans,誠意十足十。

唱足九場,場場爆滿,周董更專登苦練廣東話冧 fans。

唔只「 J迷」瘋狂,圈中名人千嬅、超蓮等都爭住去捧場。

愈神秘愈吸引

圈中藝人的另一半,大多守在背後位置,盡量低調,不搶身邊人鏡,愈神秘愈吸引的原理下,外界好奇心,更加大受刺激。

朱麗倩

08年劉華在紅館演唱會,朱麗倩與友人於尾場低調隱身於山頂位揮熒光棒支持; 10年,劉華連開廿場個唱,朱麗倩繼續低調,每晚坐貨 van潛入紅館,以女主人身份在後台打點一切。

羅美薇

去年底,張學友舉行 23場個唱,雖然當事人揚言會逼太太羅美薇到場睇騷,但傳媒一直未有發現,原來羅美薇已秘密睇了兩場,但神不知,鬼不覺,勁!

撰文、攝影、攝錄:娛樂組


鍾意就快D Share啦!