網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月19日 星期四

方力申遠女親男 [壹週刊 - 1402] __,方力申,M1,

同你吟一吟方力申遠女親男前度疑似轉向,方力申手瓜唔夠硬,拗唔番直十年女友Stephy,舊年三月喊晒公告分手;不過事隔半年,飛魚王子就俾何超蓮釣上,兩個拍拖去尼泊爾做慈善探訪。秘交曝光後,二人夾晒口型認朋友,但小方仍然得分,獲超蓮公開讚:可靠!賭王千金身邊一隊觀音兵,小方再可靠都唔穩陣!「蓮粉」偷襲,包括成日搵機會親近超蓮嘅英皇接班人楊政龍。上星期二(一月十日),小方揸住佢架「槍手」車牌Benz,先 ...


同你吟一吟

方力申遠女親男

前度疑似轉向,方力申手瓜唔夠硬,拗唔番直十年女友 Stephy,舊年三月喊晒公告分手;不過事隔半年,飛魚王子就俾何超蓮釣上,兩個拍拖去尼泊爾做慈善探訪。秘交曝光後,二人夾晒口型認朋友,但小方仍然得分,獲超蓮公開讚:可靠!

賭王千金身邊一隊觀音兵,小方再可靠都唔穩陣!「蓮粉」偷襲,包括成日搵機會親近超蓮嘅英皇接班人楊政龍。上星期二(一月十日),小方揸住佢架「槍手」車牌 Benz,先送咗個朋友去銅鑼灣南華會,跟住再同另一男子去咗天后一幢商業大廈做運動。

講到尾,超蓮主場,小方只能緊守崗位,遠女近男,得閒就操肌練大隻,一旦要同情敵拗手瓜,都冇咁易輸。

泊低車,小方去車尾箱執番齊袋行裝,行去上樓前,仲回頭望吓架車有冇閂好窗或者唔記得熄燈,咁小心,難怪超蓮讚佢可靠。

小方揸車先送其中一個朋友去南華會,再同另一男子去天后操肌。

舊年十月,超蓮跟小方去尼泊爾做義工,一支水兩份飲,勁親密。

撰文︰八珍


鍾意就快D Share啦!