掃呢頁CODE去手機

2017年1月26日 星期四

提自己搵多啲 蔡楓華睇金勞 [壹週刊 - 1403] __,蔡楓華,M1,

同你吟一吟提自己搵多啲 蔡楓華睇金勞舊年5月喺尖沙咀文化中心唱完兩場,12月又走去荃灣大會堂開多兩場演唱會嘅蔡楓華,搵多搵少都好,唔使再依靠老媽子。嚟緊3月先會出發去澳洲登台賺澳幣嘅蔡楓華,仲可以有排hea。呢一日,玩西灣河到中環來回巴士遊;一個人响中環四圍貢,行去Landmark欣賞吓玻璃櫥窗入面嘅金勞,增進虛榮感,推動自己努力搵錢。享受完眼睛購物後,放風時間結束,行過去環球大廈排隊等720巴士 ...


同你吟一吟

提自己搵多啲 蔡楓華睇金勞

舊年 5月喺尖沙咀文化中心唱完兩場, 12月又走去荃灣大會堂開多兩場演唱會嘅蔡楓華,搵多搵少都好,唔使再依靠老媽子。

嚟緊 3月先會出發去澳洲登台賺澳幣嘅蔡楓華,仲可以有排 hea。呢一日,玩西灣河到中環來回巴士遊;一個人响中環四圍貢,行去 Landmark欣賞吓玻璃櫥窗入面嘅金勞,增進虛榮感,推動自己努力搵錢。

享受完眼睛購物後,放風時間結束,行過去環球大廈排隊等 720巴士,返西灣河屋企,咁又大半日。

八珍經過珠寶店一定放慢腳步睇吓啲翡翠鑽石,所以,係好明白望住啲金勞呢一刻嘅蔡楓華。

閒日下午三點幾,架車亦幾乎坐滿,蔡楓華(箭嘴)行上上層坐最前排。

排隊冇一陣,已經有車到,臨上車,蔡楓華仲係 keep住雙手插袋。

撰文︰八珍


鍾意就快D Share啦!