掃呢頁CODE去手機

2017年1月26日 星期四

貪靚張新悅大頭蝦 [壹週刊 - 1403] __,張新悅,M1,

四張嘅張新悅,除咗肥咗啲,個樣同當年幾乎冇分別。同你吟一吟貪靚張新悅大頭蝦結婚10年,同老公楊哲安生咗三個女,時至今日,張新悅依然keep住一張明星臉,冇變成黃面婆。典解可以咁嘅?原因得一個,佢貪靚!肯花心思同時間去保養打扮,加上健康生活,5月就四張嘅張新悅成功凍齡。早個禮拜,《壹》仔喺銅鑼灣百德新街見到買到一袋二袋,仲要講住電話嘅張新悅摩打腳行到趕頭趕命,原來之前喺間鋪頭除低對耳環試衫,但佢冇咗 ...


四張嘅張新悅,除咗肥咗啲,個樣同當年幾乎冇分別。

同你吟一吟

貪靚張新悅大頭蝦

結婚 10年,同老公楊哲安生咗三個女,時至今日,張新悅依然 keep住一張明星臉,冇變成黃面婆。

典解可以咁嘅?原因得一個,佢貪靚!肯花心思同時間去保養打扮,加上健康生活, 5月就四張嘅張新悅成功凍齡。

早個禮拜,《壹》仔喺銅鑼灣百德新街見到買到一袋二袋,仲要講住電話嘅張新悅摩打腳行到趕頭趕命,原來之前喺間鋪頭除低對耳環試衫,但佢冇咗件事,買完就走,好在相熟店員發覺得早,通知佢交收番對耳環。

大頭蝦!不過,張新悅都冇忘記三個女,幫自己扮完靚,就走去 H&M買嘢俾啲細路,新年買新衫,個個有份。

00年無綫劇《撻出愛火花》

三個女,七歲六歲兩歲排住隊,已經係高齡產婦嘅張新悅,想追個仔就要快啲手。

大懵張新悅漏咗對耳環响時裝店,仲要店員聯絡佢先知道,要返轉頭交收番對耳環。

去 H&M買嘢俾囡囡,購物袋塞到脹卜卜。

撰文︰八珍


鍾意就快D Share啦!