掃呢頁CODE去手機

2017年1月26日 星期四

捉埋囡囡一齊操 梁芷珊好大癮 [壹週刊 - 1403] __,M1,

同你吟一吟捉埋囡囡一齊操 梁芷珊好大癮忽然又黑又瘦,俾人話身體有事嘅羅傑承老婆梁芷珊,堅稱自己冇事,瘦係因為鍾意運動,加上係球隊天水圍飛馬班主,經常有機會去球場,先至曬到黑晒。都合情合理!梁芷珊除咗塊面削咗好多,個身其實仲好有肉地。搞波寫書又要照顧家庭嘅梁芷珊,舊年九月送咗囡囡樂桐去英國讀寄宿學校,早排個女放假返咗香港,兩母女孖咇去中環shopping,响adidas睇完波鞋又睇衫,最終一大袋走。 ...


同你吟一吟

捉埋囡囡一齊操 梁芷珊好大癮

忽然又黑又瘦,俾人話身體有事嘅羅傑承老婆梁芷珊,堅稱自己冇事,瘦係因為鍾意運動,加上係球隊天水圍飛馬班主,經常有機會去球場,先至曬到黑晒。都合情合理!梁芷珊除咗塊面削咗好多,個身其實仲好有肉地。

搞波寫書又要照顧家庭嘅梁芷珊,舊年九月送咗囡囡樂桐去英國讀寄宿學校,早排個女放假返咗香港,兩母女孖咇去中環 shopping,响 adidas睇完波鞋又睇衫,最終一大袋走。

是日梁芷珊同囡囡都係一身運動打扮, 14歲嘅樂桐亦生得相當圓潤,尤其下身,同媽咪一樣粗壯;喺英國讀書成日食埋咁多薯仔同 burger,隨時一發不可收拾,跟阿媽去做運動,啱數!

媽咪揀啱款就俾囡囡鋪上身, 14歲樂桐唔鍾意,嘟晒嘴俾反應。

Adidas中環旗艦店有三層,兩母女逐層行,先睇波鞋。

行咗大半個鐘,兩母女攞住一大袋走,同媽咪一樣,樂桐下身都有番咁上下。

自言已經食番多啲嘢嘅梁芷珊兩頰依然尖削,但身材基本上要乜有乜。

四年前,同老公入馬場拉頭馬時,梁芷珊雙頰有肉又精神。

撰文︰八珍


鍾意就快D Share啦!