掃呢頁CODE去手機

2017年1月14日 星期六

【全家出巡】結婚14年仲好sweet! 43歲森美拖童星老婆晒柔情 __,森美,

43歲電台DJ兼金牌主持森美入行多年,為保事業同形象,家事保持低調,一直好少講屋企嘢,查實佢有個結婚14年、曾做童星嘅太太Veronica(陳雅嫻),大仔約14歲、細女年約9歲,不過森美絕對係一個好好先生,閒時都係陪家人,一家四口享受家庭樂!噚日下午4點幾左右,喺中環撞到森美同佢個寶貝仔一齊行ifc,見佢哋一時行來行去,一時兩父子企埋一齊吹水,森美拎住電話,同囝囝係咁傾,二人百無聊賴,估佢哋喺商場 ...




其他影片:>>






43歲電台DJ兼金牌主持森美入行多年,為保事業同形象,家事保持低調,一直好少講屋企嘢,查實佢有個結婚14年、曾做童星嘅太太Veronica(陳雅嫻),大仔約14歲、細女年約9歲,不過森美絕對係一個好好先生,閒時都係陪家人,一家四口享受家庭樂!噚日下午4點幾左右,喺中環撞到森美同佢個寶貝仔一齊行ifc,見佢哋一時行來行去,一時兩父子企埋一齊吹水,森美拎住電話,同囝囝係咁傾,二人百無聊賴,估佢哋喺商場等緊人,跟手去咗一間錶舖睇嘢,行咗一陣都未有斬鑊,行吓企吓,又走咗去睇水牌,期間有啲途人搵森美影相,佢都有求必應。等咗約10分鐘,森美老婆Veronica同囡囡終於出現,一家四口行出ifc對出條天橋,天氣有啲涼,森美好man咁拖住太太Veronica行,太太個樣都幾受落,流露出一副冧樣。結婚14年仍然sweet過人,認真羨煞旁人!!!

(採訪、攝影:羅德光) 見森美同囝囝喺度等人 森美不時撳電話
又一齊去睇水牌 跟手又行咗入錶舖睇吓 等咗10分鐘左右,太太同囡囡就出現
天氣有少少涼,森美拖住太太一齊行 仔女就行喺前面 當時有啲雨粉,囝囝就開咗把遮擋一擋

來源 source: http://s.nextmedia.com
鍾意就快D Share啦!