網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月4日 星期三

23場個唱結束不捨山頂歌迷 學友感慨:再開都62歲 __,學友,張學友,

23場個唱結束不捨山頂歌迷 學友感慨:再開都62歲■學友前晚完成23場騷,更籌到60萬善款捐「快樂港仁」助長者睇中醫。■楊千嬅孖老公再睇學友演唱會,握手時笑到四萬咁口。■梁詠琪陪完大肚婆楊采妮後,返港即到紅館看學友尾場騷。■學友舉行尾場騷,吸引了舒淇和譚詠麟等朝聖。歌神張學友於紅館舉行的23場「AClassicTour世界巡迴演唱會2016」前晚落幕,吸引楊千嬅夫婦、舒淇、梁詠琪、林嘉欣、譚詠麟等 ...


23場個唱結束不捨山頂歌迷 學友感慨:再開都62歲



■學友前晚完成23場騷,更籌到60萬善款捐「快樂港仁」助長者睇中醫。



■楊千嬅孖老公再睇學友演唱會,握手時笑到四萬咁口。



■梁詠琪陪完大肚婆楊采妮後,返港即到紅館看學友尾場騷。



■學友舉行尾場騷,吸引了舒淇和譚詠麟等朝聖。

歌神張學友於紅館舉行的23場「A Classic Tour世界巡迴演唱會2016」前晚落幕,吸引楊千嬅夫婦、舒淇、梁詠琪、林嘉欣、譚詠麟等朝聖,學友在台上依依不捨:「四面台係一樣好經典嘅嘢,特別係『山頂嘅朋友你哋好』,呢句說話係香港人先會有反應,其他地方觀眾係冇反應。」



■學友被讚個唱水準高,對其他歌手造成壓力。

「返香港做好緊張」完騷後學友在後台舉杯慶祝,瘦了很多的他說:「好多人問我點解要辛苦自己,其實自己想做好啲,所以就算辛苦都係開心嘅,證實我又真係做到,已經過咗半百,再唔做都做唔到。每次返嚟香港做都好緊張,𠵱家鬆咗一口氣,之前喉嚨有少少發炎,仲要食消炎藥。」 

前晚送畫環節揀了一家三口觀眾,當時學友跟女孩說:「多啲時間陪父母,唔好激佢哋。」問到是否經常被囡囡激?學友睩大眼說:「佢哋好錫我,錫到我不得了。」他坦言太太羅美薇看了兩場,囡囡就看了三場。

「做騷係同自己比」問到以後還會開演唱會嗎?學友說:「今次同自己講要做得最好,因為人係會衰退,體力會減,兩年後完咗巡迴都57歲,等多五年再開都已經62,到時大家見到我跳,都唔想我咁辛苦。」

至於今次香港站獲眾星朝聖,陳奕迅、鄭秀文、容祖兒等都讚好睇,有指學友對其他歌手造成壓力,將演唱會的底線拉得太高,學友坦言:「做騷係同自己比較,而唔係互相比較。」對於有網民將他的騷和王菲騷比較,指王菲走音,學友說:「咁比較唔係太公平,佢唱得一場,得就得,冇得操,我有咁多場就可以調整嘅。」

採訪:馬建華 

攝影:仇志德


鍾意就快D Share啦!