掃呢頁CODE去手機

2017年1月19日 星期四

捐錢開社區飯堂 張玉珊日派 2,400個飯盒 [壹週刊 - 1402] __,張玉珊,M1,

名人動態捐錢開社區飯堂 張玉珊日派2,400個飯盒由藝員變身上市公司主席,將青春投放在修身事業上的張玉珊,時至今日,手持過億物業,近年她放慢工作步伐,用更多時間做公益。上週六(14/1),張玉珊主力贊助的社區飯堂開幕,每日可派發超過2400個飯盒給老人家;十年前開始做義工的她終於達成兒時夢想。「細細個已經希望自己退休之後可以主力去做慈善,其實我好多朋友都係咁諗,好似靚靚咁,依家有機會做到就做,呢啲 ...


名人動態

捐錢開社區飯堂 張玉珊日派 2,400個飯盒

由藝員變身上市公司主席,將青春投放在修身事業上的張玉珊,時至今日,手持過億物業,近年她放慢工作步伐,用更多時間做公益。

上週六( 14/1),張玉珊主力贊助的社區飯堂開幕,每日可派發超過 2400個飯盒給老人家;十年前開始做義工的她終於達成兒時夢想。

「細細個已經希望自己退休之後可以主力去做慈善,其實我好多朋友都係咁諗,好似靚靚咁,依家有機會做到就做,呢啲都係我哋嘅福氣!」張玉珊說。

明星好友撐場

二十八歲將修身堂成功上市的張玉珊,曾經是最年輕 CEO,○五年,她成立「張玉珊慈善基金」,十多年來,捐錢為內地貧民山區起水窖,興建母嬰平安醫療站,最近更在香港開設社區飯堂。

位於黃大仙區的社區飯堂上週六(十四日)正式開幕,一班圈中好友包括呂良偉、楊小娟、孫明揚夫婦、蔡一智、王敏德等專程到場支持,現場所見,張玉珊不停向在場賓客推廣廚餘環保概念,又解釋飯堂廚房的運作模式,如何幫有需要的老人家出力等等。

「其實我喺香港唔同嘅屋邨做咗好多年義工,呢個屋邨比較多獨居老人,生活環境亦比較差,加上大部分長者都行動不便,但呢度嘅環境,買餸唔係咁方便,啲老人家想整一餐俾自己食都有啲困難。

「我試過上樓做家訪,見佢哋屋企積埋好多雜物、罐頭,成日有一餐冇一餐,好彩嘅就有啲好心嘅隔籬鄰舍幫佢哋買餸,所以我一直想搞個社區飯堂,照顧到呢類老人家日常三餐!」張玉珊說。

一班名人好友包括呂良偉楊小娟,亦專誠到街市撐 Shirley。

見公公婆婆夾餸辛苦, Shirley即𠌥低身幫手。

落力向好友解釋飯堂廚房運作。

開幕當日招待老人家吃盆菜,更送出大量福袋。

Shirley一見王敏德,即上前招呼!

推廣到其他社會

社區飯堂開幕後,現時每日可派發超過二千四百個飯盒給有需要的長者,要應付這個需求的話,亦需要大量人手,所以除了基本運作的員工,亦要有其他義工團體幫忙。

「以前有考慮過做一架餐車,日頭去啲經濟環境好嘅屋邨收集廚餘,再分類配搭煮過,但後來研究過咁樣做有好多問題係解決唔到,咁啱今次有呢個機會,俾我做到一個社區廚房,可以幫到老人家。」

社區飯堂同時亦會推動環保,到各區街市收集物資,亦鼓勵大家捐出新鮮食物,再加私人補貼,未計人手支出,單是每日做二千幾個飯盒,開支已經接近五萬元,因此,張玉珊不時落力向身邊好友推介,希望有更多人捐款,可以將社區廚房推廣到更多屋邨。

「希望呢個廚餘環保概念,加埋服務老人家計劃,可以做完一個社區再一個社區,一直延續到有需要嘅屋邨,希望大家支持我哋,繼續做落去!」

28歲已成為上市公司主席,張玉珊身家亦翻幾番,手持物業包括這個在露台可俯瞰馬場景的松柏新邨單位。

每年都會返 LA的三萬呎大屋過年。

張玉珊跟袁詠儀好老友,兩人更有共同心願,希望退休後主力做慈善。

廚房有兩個大鑊煮餸。

跳出舊有框架

做了修身堂上市公司主席十三年,張玉珊雖然決定放慢工作步伐,不過,她揚言不會離開美容圈。

「做咗十幾年嘢,唔想生活只得工作,希望做多啲有意義嘅事,同學多啲其他嘢!所以要停一停,先可以跳出舊有嘅框框,諗吓將來嘅方向!不過,我唔會放棄做咗咁多年嘅美容事業。」

廚房設備俱全,這組大蒸爐可日蒸二千多個飯。

教育室內有大缸養魚,用來做食材。

張玉珊是內地宋慶齡慈善基金的母嬰平安會理事,主力在內地貧苦山區興建母嬰平安站,她與一班企業家不時到內地探訪。

當欣宜係女

○一年退出幕前,張玉珊創造自己的修身王國,旗下名人代言人不計其數,更成功將當年只有十五歲但重二百三十磅的鄭欣宜變成女神。

雖然欣宜已經放棄翻脹,但能一度為有高血壓、高膽固醇的她重拾健康,不負當年肥姐所託,也是張玉珊一個無法忘記的體驗。

「依家我見到阿女(欣宜)過得開心健康,又有活力,我已經好開心!」張玉珊說。

當年肥姐親自上門搵 Shirley幫欣宜減肥。

2000年與王喜拍《雷霆第一關》

每年中秋, Shirley都會率領員工舉辦活動招待老人家。

25歲引退

被星探發掘,十五歲入行的張玉珊,歌影視瓣瓣做齊,其後加入 TVB,拍過《新上海灘》、《花木蘭》及《妙手仁心》等劇集。二十五歲,張玉珊退出娛樂圈轉戰商界,並創辦「修身堂」; 03年,公司在香港聯交所上市,近年更在內地拓展至過百間加盟店。

多年來,「修身堂」成功例子多的是,最經典是為 230磅的欣宜成功踢走 100磅肥膏。愛向難度挑戰的張玉珊,最近幫苟芸慧減肥,將 170磅重的「肥苟」,成功變「靚苟」。

欣宜

章小蕙

苟芸慧

撰文、攝影、攝錄:娛樂組


鍾意就快D Share啦!