2017年1月20日 星期五

慘得過菊梓喬馬拉拉咩!25歲「宇宙漿」有幾蕩氣迴腸? __,宇宙漿,菊梓喬,G.E.M.,

慘得過菊梓喬馬拉拉咩!25歲「宇宙漿」有幾蕩氣迴腸?講到連今年特首選舉都就嚟開始,都仲未上到太空嘅歌手「宇宙漿」鄧紫棋(G.E.M.),拍咗部自傳式電影《一路逆風》,部戲喺今個月六日喺內地十個城市、超過七十間戲院上映,啲老友打嚟畀我Nuts哥計數,話上咗四日票房240萬人仔,直到尋日個數都有升o架,升咗60萬咁大把啦,累積票房有301萬人仔!即係十四日嚟講,每個城市每日平均票房收益係大約21,50 ...


慘得過菊梓喬馬拉拉咩!25歲「宇宙漿」有幾蕩氣迴腸?

講到連今年特首選舉都就嚟開始,都仲未上到太空嘅歌手「宇宙漿」鄧紫棋(G.E.M.),拍咗部自傳式電影《一路逆風》,部戲喺今個月六日喺內地十個城市、超過七十間戲院上映,啲老友打嚟畀我Nuts哥計數,話上咗四日票房240萬人仔,直到尋日個數都有升o架,升咗60萬咁大把啦,累積票房有301萬人仔!即係十四日嚟講,每個城市每日平均票房收益係大約21,500蚊!再換個角度計,當有七十間戲院上映,每間戲院每日票房收益有3,075蚊,即係每日都賺番部小米手機咁囉!

一個月掃兩豪宅

G.E.M.話想有千萬人次入場、票房破億喎!雖然部戲會喺香港同馬來西亞上,但以內地呢個戰績嚟參考,睇嚟要好似亞視王牌金魚缸節目《魚樂無窮》,播完又播、播完又播、播完又再播,播到2046年先至可以達到佢嘅期望嘞!利申,我Nuts哥同G.E.M.冇仇冇怨,雖然識佢啲親家好似台灣歌手林宥嘉、甄妮、林憶蓮、胡杏兒、鄧麗欣同吳卓羲,but,well......只係聽到G.E.M.推出自傳電影喎,真係好自然「唧」一聲笑出嚟!G.E.M.得嗰25歲就學人出自傳,仲打正旗號sell:「只要你有期盼,世界就為你改變」,齋吹「你想」就話過到骨啫,但係佢得嗰25歲人,又唔係生逢亂世歷經萬劫,到底佢嘅人生有幾蕩氣迴腸呢?

我唔係話年紀大先有Quali出自傳,大佬!都要有賣點o架嘛!講賣煽情,G.E.M.一定唔夠自爆細細個被父母遺棄、要同妹妹一包即食麵兩份食,吊住條命嘅樂壇新人菊梓喬(Hana),G.E.M.可以一個月內用1,300萬連掃兩個複式豪宅喎,你話有幾慘先?講經歷,G.E.M.一定輸畀細佢6年嘅巴基斯坦女權分子馬拉拉九十條街,人哋係諾貝爾和平獎得主,呢個獎易攞o架?馬拉拉試過被塔利班分子暗殺身中三槍,好在吉人天相冇事咋!講到喺娛圈成就,G.E.M.前年參加內地節目《我是歌手》第二季「X叫」先令內地觀眾知佢係乜水,同年仲完成埋73場巡唱確係幾威,但係年年25歲、紅足近半世紀嘅樂壇校長譚詠麟都未話出自傳

  • 放大圖片
打扮前衞的G.E.M.參加內地節目唱爆咪。
  • 打扮前衞的G.E.M.參加內地節目唱爆咪。

親家助陣先夠爆

出道得十年貨仔嘅G.E.M.,佢部戲就係將佢巡唱嘅片段剪頭剪尾,成班老友何超蓮、汪峰、林俊傑等亮相!最大賣點就係講舊史,重提依家婚都結埋嘅舊愛林宥嘉,呻當時拍拖唔畀公開女友身份好委屈喎!唔單止佢講,老友李蘊同經理人張丹都講埋一份,話G.E.M.對感情重視喎!

其實G.E.M.想部戲夠「爆漿」,應該請飛佢嘅林宥嘉、曾經轟佢「目無尊長」嘅甄妮,等親家助陣先至啱數。話時話,部戲喺香港睇,要成135蚊張飛,拍得住荷里活大片票價。Nuts哥就覺得如果以經濟實惠角度睇,要使呢135蚊,不如考慮吓捧同G.E.M.有8成似嘅AV女優赤井美月場,雖則只係「山寨貨」啫,但勝在價錢平一大截兼係愛情動作片,有連場肉搏,又有「X叫」,比睇正版G.E.M.,係咪更划算先?

Nuts哥


鍾意就快D Share啦!
Related Posts Plugin for WordPress, Blogger...