掃呢頁CODE去手機

2017年1月3日 星期二

【獨家】34歲活希兒夜蒲後伸爪摸籮 攬仔硬搶的士 __,活希兒,

元旦啱啱過,咁啱又食正3連休,好多人都趁住除夕嗰晚去蘭桂坊倒數狂歡,前元祖o靚模、近年轉行入完法律界,早排轉做投資銀行董事嘅34歲活希兒(FionaBraidwood)亦係其中一個。現年34歲嘅活希兒,喺除夕嗰晚午夜12點半左右,被《蘋果》發現佢現身老蘭有名蒲場、由著名大狀清洪的契仔巫翊鳴(前名:巫雨平)同胡杏兒老公李乘德(PhilipLee)夾份開嗰間「Play」度倒數迎2017,當時活希兒雖然 ...




其他影片:>>






元旦啱啱過,咁啱又食正3連休,好多人都趁住除夕嗰晚去蘭桂坊倒數狂歡,前元祖o靚模、近年轉行入完法律界,早排轉做投資銀行董事嘅34歲活希兒(Fiona Braidwood)亦係其中一個。現年34歲嘅活希兒,喺除夕嗰晚午夜12點半左右,被《蘋果》發現佢現身老蘭有名蒲場、由著名大狀清洪的契仔巫翊鳴(前名:巫雨平)同胡杏兒老公李乘德(Philip Lee)夾份開嗰間「Play」度倒數迎2017,當時活希兒雖然同一班朋友一齊,但好明顯,佢同某一位男子尤其行得埋,攬晒腰又不時咬耳仔咁。活希兒同男友坐喺梳化度,全程頭碰頭,個男仔有時會摸吓活希兒屁股咁,動作親密,佢哋再依偎咗一陣,約15分鐘後,即午夜12點45分左右,活希兒同男友離開,睇嚟嗰位男子飲得好醉吓,可能唔係幾行到,見活希兒將男友左臂放上自己膊頭,佢再用右手攬住男友條腰傍住對方行,喺行嘅其間,見活希兒隻手或摸或抓到男友個pat pat,個男嘅唔知係慣咗定醉咗,冇乜反應。活希兒好落力傍男友,話晒係個女仔,仲着住幼踭高踭鞋,睇得出佢係吃力嘅,男方一度醉過吓,拖住活希兒,但冇幾耐活希兒已經要再度抬住男友走。活希兒同男友似乎係想沿路搵的士截車走,可惜附近都冇,佢哋沿路行上近Dragon-i方向,後來喺己連拿利近藝穗會附近截車;與此同時,有一名男途人喺嗰度截架冇客的士,佢仲拎咗張100蚊紙出嚟,的士司機已經點頭回應,點知一個屈尾十,活希兒同男友就上咗呢架的士閂埋門,直接搶咗人哋架的士,同男友離開。活希兒4年前玩着婚紗踩孫大倫兒子孫道熙場「搶新郎」(新聞連結: http://bit.ly/2ivcbpI )已經夠經典,估唔到連架的士佢都……

(攝影:陳辰、楊浩賢) 活希兒扶住醉爆男友離開,佢隻手剛好抓中男友pat pat。 順勢上摸到腰位
兩人互相扶住行離開 男友高活希兒半個頭,仲要醉咗,活希兒都扶得好吃力吓。
兩人都有拖吓手 活希兒再出手傍住男友走
想截車離開,但唔係好順利。 活希兒男友伸手截的士 最後活希兒同男友成功「搶」到架的士
活希兒當晚有喺自己Instagram貼相,同男友扮到好靚咁去倒數迎新年。(Instagram圖片)

來源 source: http://s.nextmedia.com
鍾意就快D Share啦!