掃呢頁CODE去手機

2017年1月14日 星期六

40歲想突破!陳展鵬開個唱完成夢想 __,陳展鵬,展鵬,陳展,

陳展鵬今日同逾400粉絲慶祝40歲生日。正日生日的陳展鵬在尖沙咀大搞生日會,慶祝正式踏入40歲。他與逾400名粉絲齊齊切視帝獎座生日蛋糕之餘,更與他們影大合照,場面非常墟冚。席間,展鵬在台上就指自己今年想搞MiniConcert,更笑謂:「今年拎咗好多獎,但最唔應該拎嘅音樂獎都拎咗!」非常風趣。事業先開始唔諗感情訪問時,問到其生日願望時,他即謂:「年年都係世界和平㗎喇!(咁行?)同埋身體健康,因為 ...


陳展鵬今日同逾400粉絲慶祝40歲生日。

正日生日的陳展鵬在尖沙咀大搞生日會,慶祝正式踏入40歲。他與逾400名粉絲齊齊切視帝獎座生日蛋糕之餘,更與他們影大合照,場面非常墟冚。席間,展鵬在台上就指自己今年想搞Mini Concert,更笑謂:「今年拎咗好多獎,但最唔應該拎嘅音樂獎都拎咗!」非常風趣。

事業先開始唔諗感情

訪問時,問到其生日願望時,他即謂:「年年都係世界和平㗎喇!(咁行?)同埋身體健康,因為上年都好辛苦同吃力,之前應承咗Fans Club一齊做運動、做慈善工作都因為做嘢而放咗飛機。(願望唔係搵個女朋友?)唔係話搵就搵到嘅!(40歲喇喎!)依家事業先係開始,上年至有啲眉目,做多啲嘢先!」

想今年有突破

提到他指今年打算開Mini Concert,他指自己講咗好多年,但未有時間練唱歌、練跳舞,希望可以完成這個夢想。記者指他可以酌量減產,他就指交由公司安排:「但都係時候要停停,觀眾睇得多我都會厭,有鬚、冇鬚、有頭髮、光頭、有眼鏡、冇眼鏡都試過昨晒!今年都想有啲突破,想試下做主持工作。」

胡定欣請食飯慶祝

問緋聞女友胡定欣可有表示,他即指對方之前出騷有同他講生日快樂,至於有否送禮物,他笑謂:「佢話請我食餐飯,我會叫佢找數㗎喇,但應該都會喺TVB食。」問他會否想搞國際歌迷會,他坦言沒有諗到咁遠:「開咗Mini Concert同夠歌先,都要搵老師去學去練歌,亦要跑步練氣,因為體能爭少少。」

提到他的生日會愈搞愈大,問下次會否在會展搞?他即謂:「喺會展搞就係搞Mini Concert㗎喇。(定係紅館,坐20000人!)我係演員咋喎!(你係視帝喎!)我演藝方面咋,又唔係歌手!(粉絲等你出碟?)咁要睇公司安排喇!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!