2017年1月23日 星期一

【獨家】4保鑣傍實一家四口 紀曉波十字緊扣拖實吳佩慈去嘉年華 __,紀曉波,吳佩慈,

38歲、台灣九頭身女星吳佩慈三年抱兩,為內地百億富商男友紀曉波生咗一仔一女,湊夠一個「好」字。雖然兩人遲遲未拉埋天窗,但男友一直好照顧吳佩慈,去年底以吳佩慈名義入股怡益控股,當時股值約3億港元,令女友唔使為生活擔憂。日前(1月7日)下午3點幾,記者發現吳佩慈一家四口去中環AIA嘉年華。吳佩慈同2歲囡囡小蕊蕊(Hillary)着住pinkcolour母女裝,現場發現有四名保鏢,位位昂藏六尺高,三人以 ...




其他影片:>>






38歲、台灣九頭身女星吳佩慈三年抱兩,為內地百億富商男友紀曉波生咗一仔一女,湊夠一個「好」字。雖然兩人遲遲未拉埋天窗,但男友一直好照顧吳佩慈,去年底以吳佩慈名義入股怡益控股,當時股值約3億港元,令女友唔使為生活擔憂。日前(1月7日)下午3點幾,記者發現吳佩慈一家四口去中環AIA嘉年華。吳佩慈同2歲囡囡小蕊蕊(Hillary)着住pink colour母女裝,現場發現有四名保鏢,位位昂藏六尺高,三人以「品」字型列陣護主,另一人則四處張望視察周邊環境,十分誇張。一對仔女同紀曉波都生得好似樣,話晒囡囡係爸爸前世情人,見紀曉波特別痛錫囡囡,買完雪糕畀阿女,跟住就抱住佢周圍玩,掟完公仔就去睇迪士尼主題4D動畫,之後再抱埋歲幾大嘅細仔一齊騎木馬。吳佩慈生得手長腳長,單手扶柱,另一隻手就扶住騎另一隻木馬嘅囡囡,而紀曉波就攬住囝囝一齊騎,一家四口場面好溫馨。玩到大約5點鐘,一對寶貝仔女開始有啲攰,於是就放上雙人BB車,最初由紀曉波負責推,但始終係生意人,秒秒鐘可能幾廿萬上下,紀曉波不時都要講電話,之後索性將BB車交畀保鏢嚟推。講完電話之後,紀曉波拖住女友吳佩慈隻手「揈下揈下」咁行返去四季酒店,沿路有唔少人認得吳佩慈,但佢哋都冇理,繼續行返酒店。

(攝影﹕追蹤組) 吳佩慈睇實囡囡,而紀曉波就同抱實囝囝騎木馬 幾溫馨
吳佩慈同紀曉波實行一人湊一個 佢哋都有去攤位玩遊戲
紀曉波始終係生意人不時都要講電話 紀曉波拖到吳佩慈實一實 紀曉波都有推住一對仔女

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...