2017年1月12日 星期四

【獨家】內地做主角大台做配角 61歲李國麟嘆:TVB啲poster唔係好預我 __,大台,TVB,

現年61歲李國麟喺1974年加入無綫藝訓班,同期仲有杜琪峯、劉仕裕、黃杏秀、潘嘉德等,但大家唔係轉做幕後,就係退休,得番李國麟堅持幕前演出。呢位「綠葉王」喺大台演過逾百部劇集,忠角、奸角、搞笑、悲情乜都得,可惜就係冇機會擔正。不過,機會幾時都係留畀有準備嘅人,近年李國麟返大陸拍劇好吃香,最近有部大陸網劇《超能少年三部曲之宿命之戰》搵佢做主角,poster張相佢佔咗1/3,雖然得大頭,但剩係對眼已經 ...




其他影片:>>






現年61歲李國麟喺1974年加入無綫藝訓班,同期仲有杜琪峯、劉仕裕、黃杏秀、潘嘉德等,但大家唔係轉做幕後,就係退休,得番李國麟堅持幕前演出。呢位「綠葉王」喺大台演過逾百部劇集,忠角、奸角、搞笑、悲情乜都得,可惜就係冇機會擔正。不過,機會幾時都係留畀有準備嘅人,近年李國麟返大陸拍劇好吃香,最近有部大陸網劇《超能少年三部曲之宿命之戰》搵佢做主角,poster張相佢佔咗1/3,雖然得大頭,但剩係對眼已經好有戲,旁邊圍住一班大陸新演員,仲有香港人認識嘅曾偉權同黃榕。李國麟日前接受傳媒訪問,講到張海報搵佢做主相,佢笑笑口話:「係咩?!咁俾面呀!(係咪第一次做主角?)唔係,上面(大陸)都幾密吓,係TVB啲poster唔係好預我之嘛,哈哈哈。」呢部網劇於大前日(9日)開播,前日喺深圳搞咗發佈會,但李國麟話自己忙到分唔到身,佢解釋:「聽講仲想上院線,佢哋話一定要見到我,但TVB又要我畀期,o依家開緊3部劇,殺到2月幾又開《溏心風暴3》……因為公司真係唔係幾夠人,得嗰幾百個演員,係用得嘅大家都知邊啲……但我又見過有啲質素、唔曳嘅演員幾個月冇嘢做,最高記錄8個月都有,我都唔知點解?」李國麟又話自己仲有幾部劇未出街,加埋演緊3部及即將拍嘅,隨時黃金三線劇都會見到佢:「係,TVB安排好曳,大家有留意,一個演員如果幾重戲,隨時會令觀眾睇到混淆,我以一個觀眾立場就覺得好有問題,作為一個擁有龐大財產嘅公司,係糟蹋咗。」

61歲嘅李國麟最近喺大陸網劇《超能少年三部曲之宿命之戰》有份做主角
而佢喺大台……基本上都係做配角 又係配角
當年佢都係配角

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...