熱爆娛樂: 【獨家】林作麥當勞道6,500萬複式豪宅曝光工人房大過豪宅主人房 _

2017年1月25日星期三

【獨家】林作麥當勞道6,500萬複式豪宅曝光工人房大過豪宅主人房 __,林作,麥當勞,

其他影片：>>

「十優港姐」麥明詩同大律師男友林作舊年經歷情變、翻撻、擲煲唔擲蓋，o依家就疑似轉玩地下情。雖然麥、林關係欲斷難斷，不過早喺1年前，林作媽媽就豪擲6,500萬，買入麥當勞道傳統豪宅一個3,400呎嘅覆式單位，(新聞連結： http://bit.ly/2kiUP0S )打算留返俾林作作新婚愛巢之用。新居裝修大半年，近日終於正式入伙，同一般傳統豪宅一樣，樓底高，實用率高，據林作媽媽所講，全屋有7間房，樓下主要係客、飯廳、廚房同工人房，樓上一層就係主人房同客房。偌大廚房呈L型，可以擺三枱麻雀仲有位剩，而所謂工人房，其實係一間比市區豪宅主人房仲要大嘅套房，房中間放置一張雙人床，房間內仲有個超豪華浴室，真係做傭人都做得富泰過人。講番全屋裝修，以米白色為主色，客廳放置火爐，牆上兩排書架放滿林作嘅法律參考書，傢私就以歐洲風格為主。不過，臨近農曆新年，林作家中菲律賓外傭姐姐放假返鄉下，大屋冇人打掃清潔，平時做慣少爺嘅林作，亦都要落手落腳抹塵、鋪床、洗廁所，同媽咪夾手夾腳為新屋洗邋遢，再佈置一下家居過新年。林作洗廁所嗰陣踎喺地下出力擦，有板有眼，原來佢喺英國留學時，都做慣家務。林作話：「以前讀書自己住，邊度有人會幫你執嘢？煮飯洗衫都係自己嚟，不過我最鍾意洗碗，因為洗嘢會有一個莫名其妙嘅快感。」見阿仔幫手做家務，林媽媽都讚阿仔終於生性。

攝影：葉君海, 沈健程	菲律賓外傭姐姐放大假返鄉下，林作媽媽當日就篤實林作洗邋遢。	抹下相架啲塵。
林作話自己最鍾意洗嘢，洗廁所都難佢唔到。	幫媽咪執床鋪。	單單客廳已經等如普通私樓兩房嘅面積。
林作新屋內置覆式，上下層加埋3,400呎，飯廳都好闊落。	飯廳	書架放咗唔少法律書。
偏廳	媽咪主人房，房內傢俬陸續運到。	呢個就係傭人套房。
客房	巨型廚房	有兩邊
林作同媽咪一齊佈置家居賀農曆新年。	林作中學時都有baby fat。