掃呢頁CODE去手機

2017年1月19日 星期四

【獨家有片】跟住老婆辦年貨 82歲曾江潮着迷彩look陪焦姣遊九龍城 __,曾江,

一句「一巴打你埋牆」,多年宿怨,一點即着!今年82歲嘅曾江,同細兩年嘅謝賢(四哥),前年合作拍旅遊節目《4個小生去旅行》,喺8月記招中,四哥使出一招「排雲掌」,打到曾江助聽器飛脫,連坐中間嘅胡楓亦遭殃,眼鏡半甩。怒氣難消嘅四哥,事後繼續爆粗狂轟拍檔……而被打嘅曾江,竟然未有以受害人姿態,控訴施暴者,反而心平氣和公開講:「大家係老朋友,我不是立心去傷害他,我只可以說我錯了,我不應該這樣做,希望他原諒 ...




其他影片:>>






一句「一巴打你埋牆」,多年宿怨,一點即着!今年82歲嘅曾江,同細兩年嘅謝賢(四哥),前年合作拍旅遊節目《4個小生去旅行》,喺8月記招中,四哥使出一招「排雲掌」,打到曾江助聽器飛脫,連坐中間嘅胡楓亦遭殃,眼鏡半甩。怒氣難消嘅四哥,事後繼續爆粗狂轟拍檔……而被打嘅曾江,竟然未有以受害人姿態,控訴施暴者,反而心平氣和公開講:「大家係老朋友,我不是立心去傷害他,我只可以說我錯了,我不應該這樣做,希望他原諒我!」(新聞連結:http://bit.ly/2jVMNe3 )買咗成袋花生,點知剝唔夠幾粒。以往硬橋硬馬嘅曾江,肯低聲下氣向人道歉,改變嘅,除咗心境,當然身邊人亦居功唔少。曾江曾經講過,同老婆焦姣嘅22年婚姻中,自己底子性格雖然改唔到,但以往喺家中「稱霸」嘅佢,坦言如今「怕老婆」,會聽老婆話。日前(15日),曾江同老婆焦姣,喺九龍城候王道辦年貨,80開外嘅曾江,雖然頭頂長滿白髮,但精神飽滿,紅光滿臉,外披迷彩外套,揹住背囊,腰板筆挺,健步如飛,雖有老態,但就絕冇龍鍾之感。曾江陪老婆行完一輪海味雜貨,買咗一袋年貨同餸菜,兩公婆就各自將餸菜放入環保袋,焦姣再入健康食品店掃貨,曾江就乖乖亦步亦趨跟實老婆。老人家,去吓街市、逛吓公園,飲吓早茶,生活,就係咁簡單!喺屋企落慣廚嘅曾江,以往鍾意重口味,o依家年紀大咗,少糖少鹽少油係屋企戒律,加上每日堅持適當運動量,難怪曾江做到,身老心不老!

攝影:朱志聰、黃曉程 着住迷彩褸嘅曾江,腰枝挺直,體魄分分鐘好過唔少後生仔。 得閒陪老婆行街買餸當拍拖。
着迷彩、揹背囊,衣着十足年青人。 兩夫妻一人一袋環保買餸袋。 跟實老婆。
之後再去一間健康食品店辦年貨。 同焦姣結婚22年,依然恩愛。(資料圖片) 前年同四哥爆衝突,俾四哥掌風掃過嘅曾江,連助聽器都飛甩埋。(資料圖片)
兩個都係當年粵語片嘅當紅小生。(資料圖片)

來源 source: http://s.nextmedia.com
鍾意就快D Share啦!