掃呢頁CODE去手機

2017年1月21日 星期六

BIGBANG啟德騷玩足2小時15分 以《Bae Bae》結尾 __,BIGBANG,

韓國天團BIGBANG今晚喺啟德郵輪碼頭舉行首個戶外演唱會,由於第一次搞戶外騷,加上規模係歷年內最勁嘅一次,所以今次嘅入場安排、交通安排等等,大會事前已係網上公佈,不過由於人手不足,令到整個入場程序相當混亂,有好多觀眾即使一早到場排隊都唔能夠準時入場,不過騷就一定會開,至於6點開騷就相信冇可能。2107:粉絲都知BIGBANG唔會好似香港歌手一樣再出場,所以完騷後都即刻走人。2103:BIGBAN ...




其他影片:>>






韓國天團BIGBANG今晚喺啟德郵輪碼頭舉行首個戶外演唱會,由於第一次搞戶外騷,加上規模係歷年內最勁嘅一次,所以今次嘅入場安排、交通安排等等,大會事前已係網上公佈,不過由於人手不足,令到整個入場程序相當混亂,有好多觀眾即使一早到場排隊都唔能夠準時入場,不過騷就一定會開,至於6點開騷就相信冇可能。2107:粉絲都知BIGBANG唔會好似香港歌手一樣再出場,所以完騷後都即刻走人。2103:BIGBANG第一場啟德騷歷時約2小時15分鐘就正式完騷。2058:唱最後一首歌《Bae Bae》,其間太陽同勝利仲親密攬攬。2054:有部份觀眾為免一陣同人爭車坐,所以已開始陸續離場2050:BIGBANG演唱會將近尾聲,佢哋先後唱《Feeling》及《LIES》時,五子就坐上巡演車圍住側邊同後面唱歌,等粉絲可以近距離見到佢哋,令全場觀眾都勁high。2043:唔使1分鐘,BIGBANG又再換過一身服飾出場,全場粉絲即興奮不已,全埸尖叫聲不斷,佢哋一出場就繼續又熱烈獻唱《Last Farewell》。2042:BIGBANG入後台後,現場就播片問觀眾:「The show is over,do you want more?」2040:BIGBANG唱完《Sober》就離開,準備之後嘅Encore環節。2035:五子又唱又跳《Sober》。2029:BIGBANG一口氣演繹大熱歌曲《BANG BANG BANG》同《Fantastic Baby》。2029:BIGBANG獻唱第22首歌《BANG BANG BANG》。2028:勝利鬼馬叫T.O.P除下太陽眼鏡,T.O.P照做之後,勝利就勁讚佢係帥哥。2027:勝利又大晒中文,喺現場搞鬼同港迷講:「我知道今日有好多人係為T.O.P哥而來。」台下觀眾即時發出尖叫,下月9號入伍嘅T.O.P就說:「今次演唱會之後會有段時間唔見大家,多謝大家今日嚟。」之後就用廣東話同港迷講多謝,再以英文講:「I love you Hong Kong。」2024:GD同樣大冧港迷:「今日係我哋最好嘅演唱會,我愛你哋,多謝一直咁支持我哋嘅粉絲。」2023:勝利繼續發言:「過去10年,有時好甜蜜,有時好痛苦,但有美好嘅回憶,HK people are amazing。」2019:勝利唱完《LAST DANCE》就用英文向粉絲大叫:「得返三首歌呀。」太陽就繼續以英文說:「當你同愛嘅人一齊,,時間真係過得好快,過去10年有好多美好嘅回憶,多謝等我哋。」唔知佢講愛嘅人係佢女友閔孝琳定係講緊粉絲呢?不過佢似乎都想知道成員即將輪住入伍,所以都同港迷講定要等BIGBANG。2014:獻唱第21首歌《LAST DANCE》。2010:五人輪住Solo完晒,之後五子換過服飾,就以一身紅色造型再一齊出嚟合唱《IF YOU》。2005:之後就到太陽壓軸Solo,佢先後唱出《EYES, NOSE, LIPS》、《Look Only at Me》及《Ringa Linga》。1955:輪到T.O.P單人表演,佢先演繹《Act Like Nothing's Wrong》,之後再唱《DOOM DADA》。1948:原來喺核心嘅外圍,有啲位完全冇遮冇掩,只要喺觀眾席後面嘅鐵絲網就完全冇banner遮掩,雖然距離遠咗少少,但市民同粉絲都可以遠遠欣賞BIGBANG呢個騷。1947:GD同太陽合唱《Good Bye》。1940:GD唱完兩首Solo歌,即同T.O.P合唱《High High》。1936:GD solo唱《Heartbreaker》同埋《CRAYON》。喺場外冇買飛嘅市民就繼續逗留喺場外免費睇騷,佢哋從大會嘅巨型橫額隙縫間睇騷,認真考功力。1926:各成員開始Solo唱歌,先由勝利演繹《Strong Baby》,其他成員就返入後台,之後就再到大成出場獨唱《Wings》,第二首係《看我貴順》。1914:BIGBANG獻唱第六首歌《FXXK IT》,粉絲不斷尖叫。1914:勝利超興奮狂講嘢,GD就用英文話:「You shut up, because you said too much. (你講太多嘢。)」勝利即用中文講: 「龍哥!」T.O.P再用英文話:「好開心同大家喺度慶祝10周年。」勝利就笑T.O.P把聲似就嚟喊。GD又叫勝利 shut up1911:勝利用廣東話同歌迷打招呼:「香港,你哋開唔開心?聽唔到呀!」之後再用英文話:「Oh my god, my cantonese is so good.」⁠⁠⁠⁠之後勝利就用中文話:「這是最後的演唱會,大家知道嗎?」大成就用英文話:「香港是世上我最愛的地方。」1907:GD終於除低黑超唱出《Loser》。1903:唱《BAD BOY》時,勝利好體貼咁幫大成抹汗。1859:BIGBANG獻唱第四首歌《BAD BOY》。1858:識多國語言嘅勝利就最識做,先用廣東話同粉絲打招呼:「大家好,我係勝利。」T.O.P則以英文打招呼:「希望大家有個美好嘅晚上。」太陽亦都以英文話:「大家準備好未? 聽唔到大家嘅聲音。」全場即時尖叫。1853:五子開場先演繹《Heaven》,G-DRAGON戴照現身,BIGBANG就再唱《We Like 2 Party》及《Hands Up》。T.O.P 同樣戴上太陽眼鏡,再外披毛毛外套,太陽則以金黃色外套示人,同佢一頭頭髮好鬼襯1852:雖然已開騷但仍然有好多人排隊買嘢食,始終醫肚緊要過睇騷嘛。1845:演唱會正式開鑼!1840:大會喺入場時就放置了一張小banner在check bag位置,任觀眾免費拿取,banner上寫上叫粉絲在BIGBANG說話時就拿起這張小banner,希望能引起BIGBANG回響。1839:場外仲有超過100人未入場,未知是否就快開騷,所以工作人員都冇再刻意check bag,只派手帶就讓觀眾快快入場。1828:因為就快開場,出面排隊啲賣紀念品嘅50名觀眾即急步入場。現場仍有不少人購買紀念品,當中口罩、10周年皇冠燈都已賣晒,部份衫亦斷碼,至於會唔會返貨就會因應情況而決定。1827:DJ打完《BANG BANG BANG》就準備開場。1820:千嬅亦有到現場,佢話自己都係BIGBANG粉絲,想來觀摩一下,因為香港很少這些騷,韓國站都有睇過一次,今日就同老公丁子高來睇,連阿囝都識唱BIGBANG嘅歌《BANG BANG BANG》同《LOSER》,出門口時阿囝都有扭計,千嬅又話頭先大會有安排車畀佢:「自己想買皇冠燈畀個囝,因為阿囝鍾意皇冠。」1806:仲未開騷,現場所見企位就有3、4成觀眾入場,坐位就仲有好多吉位。1753:現場有大量流動廁所,觀眾趁未開騷前就先去廁所。1759:拉姑同老公鬍鬚Kong已經去到會場,安坐座位上,見到傳媒拍照仲興奮舉V。1720:大會安排DJ出場打碟暖場,先演繹一首電子音樂,再表演BIGBANG嘅歌。

(攝影:沈健程、陳海威) 拉姑帶朋友嚟睇 有DJ暖場
場外有大量流動廁所 近6時企位就起碼入咗3、4成
座位就仲有好多吉位
太陽又露肉
巡演車圍住側邊同後面唱歌
觀眾陸續離場

來源 source: http://s.nextmedia.com
鍾意就快D Share啦!