網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月21日 星期六

【遲來先入場!】大會安排超亂 BIGBANG啟德騷6點開場 大批苦主仲排長龍 __,BIGBANG,

韓國天團BIGBANG今日於香港啟德郵輪碼頭舉行首個戶外騷,不過就因為安排過於混亂,引起現場粉絲極度不滿。本報記者親身經歷,原先大會沿用韓國入場模式、安排所有粉絲跟住號碼排隊入場,但現場不少fans都唔係跟號碼次序排,導致粉絲迫埋一堆。警方隨後話唔再跟號碼入,改為分批入,結果越搞越亂。開騷前半小時,喺九龍灣德福花園仍然有成500觀眾排隊等候86號綠色專線小巴,當中估計要等1個鐘先可以成功上車,再加 ...




其他影片:>>






韓國天團BIGBANG今日於香港啟德郵輪碼頭舉行首個戶外騷,不過就因為安排過於混亂,引起現場粉絲極度不滿。本報記者親身經歷,原先大會沿用韓國入場模式、安排所有粉絲跟住號碼排隊入場,但現場不少fans都唔係跟號碼次序排,導致粉絲迫埋一堆。警方隨後話唔再跟號碼入,改為分批入,結果越搞越亂。開騷前半小時,喺九龍灣德福花園仍然有成500觀眾排隊等候86號綠色專線小巴,當中估計要等1個鐘先可以成功上車,再加埋塞車、入場check bag過三關程序,即係話分分鐘個騷完咗都未去到會場,咁仲唔係會惹成災難?距開騷前一小時,入場門口被分成左右兩邊。排喺左邊嘅係乘坐第一班車/船到場嘅粉絲,包括市民林小姐在內,佢哋約1點半抵達現場後,大會就安排佢哋到啟德碼頭後面嘅一片空地等,當時亦未見門口有人排隊等入場。該批粉絲等到兩三點左右,大會就安排佢哋返番去門口等入場,但去到門口,就發現多咗喺右邊排隊嘅粉絲,明顯右邊嘅粉絲係比較遲到達會場,而林小姐在內嘅該批粉絲就被安排排喺左邊等入場。不過警方稱唔再跟號碼入場、改為分批入嘅時候,突然就有一批自稱手持80幾號門票嘅粉絲話想入先,再度引起排緊隊嘅粉絲不滿,再次引起鼓譟。警方安排亦一時一樣,令人無所適從,一時就放右邊嘅粉絲入場(即遲嚟嗰班),令排喺左邊、包括林小姐在內嘅粉絲極度不滿,事關佢哋為排隊入場連偶像嘅周邊商品都冇買到,而右邊嘅粉絲就買完先再去排隊,反而比佢哋早入場。林小姐表示,佢手持600幾號飛,按原先嘅指引,應該係晏畫兩點半就要排隊輪候入場,不過林小姐稱自己一點半到達現場,排隊等咗近3小時,但警察卻放其他人入場先,自是不滿。約4點半,排喺左邊嘅粉絲先全部入場,足足等咗3個鐘!亦有現場排隊嘅觀眾向本報投訴,佢book咗兩點車,點知塞車塞到三點先到,排隊時又唔可以離開,一離開又要喺龍尾再排過,點知排隊條龍又同買周邊商品嘅人龍好接近,搞到兩條龍混埋一埋,非常混亂。

攝影:陳海威 粉絲林小姐受訪(採訪、攝影:梁展雯) 林小姐手持600幾號嘅門票,但等咗3個鐘先有得入場
突然有自稱係80幾號門票嘅粉絲要求入場,引起其他粉絲鼓譟 入場門口分成左右兩邊
約下午5時30分,仍有近500人喺德福等小巴 到底佢哋幾點先可以入到場呢?
下午6時20分,仍有大批觀眾喺德福等小巴

來源 source: http://s.nextmedia.com
鍾意就快D Share啦!