藝人鄭嘉穎與導演陳果日前在澳門拍攝新片，因事前未有向澳門司警當局申請就進入保安部隊事務局大樓拍攝，結果被帶返治安警察局助查，期間陳果承擔責任簽下道歉聲明，承認做法有錯，表示之後會依法拍攝。至於嘉穎被扣查約8小時後獲釋，並輕鬆笑指警局的咖喱雞飯好食！
陳果繼續攬上身：我個人問題
今日陳果及嘉穎在香港何文田區拍攝外景，電影公司老闆黃百鳴、監製莊澄及錢小蕙都有到場。陳果及嘉穎齊齊接受訪問，問導演之後會否小心啲不要「踩過界」？陳果表示之後會繼續在澳門申請拍攝，尚餘一日外景及一日室內戲，亦有部分在賭場內拍攝，他說：「以後都要申請過，當局好嚴肅。（有冇影響進度？）冇嘅，其實都已經來回過幾次，主要係度演員啲期，因為太多演員要就。（拍咗嘅片要delete？）正常嘅，有一部份唔合規格。（要delete當日一整日嘅片？）咁又唔係一日，係就死得喇，係一、兩個鏡頭啫！（仲使唔使返差館報到？）唔使喇！已經搞掂晒，警方最後都話圓滿結束。（下次小心啲？）導演通常係咁，好難嘅，就算香港都好，導演天生取向，盡量避免但見到靚嘅嘢好難唔拍，偶爾會踩過界，好難保證！全世界導演都係咁。」在旁的錢小蕙即說：「但我哋都會申請！」陳果再說：「咁一定要申請唔使講呢啲呢個係我個人嘅問題！」
鄭嘉穎自爆喺警局瞓回魂覺
對於牽連嘉穎被扣查，陳果直言演員相當無辜，是他叫對方入內拍攝，問到在警局時有否感到擔心？嘉穎笑說：「冇咩好擔心，好似喺canteen休息咁，我就瞓咗個覺，差人知我哋拍攝拍通頂，知我眼瞓，仲畀張梳化床我瞓咗個回魂覺，個幾鐘。（畀差人要求助查嗰陣有冇好愕然？）係搵咗導演先，但又要搵埋我，咁我都知㗎喇！去落口供啫！（第一次遇到啲咁嘅事？）係呀！第一次呀！多謝陳導演畀我啲咁好嘅經歷」陳果則笑言他就已經並非第一次：「我好惹火，唔知點解，之前喺香港都畀人𢭃過！」
冇有怕繼續拍
問女友陳凱琳會否很擔心？嘉穎man爆說：「冇……通知咗佢，解決咗件事就得（佢點呵返你？）唔講呢啲喇！最緊要解決件事，之後拍攝順利！（件事因為你演司警？）唔關事，主要係地方嘅問題。（使唔使返去再拍？）要呀！未拍完。（會唔會驚咗？）有咩好驚呀？（有冇影響schedule？）如果大家唔跟我就唔影響，其實都冇乜特別，不如跟吓導演」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
