賭王千金何超蓮舊愛吳克群上年罹患突發性耳聾，因投入拍戲，延誤治療耳仔嘅黃金時間，無法百分之一百恢復聽力，日前佢做台灣傳媒專訪，佢就話之前想試拍戲，不過未拍得成，佢就話埋頭寫歌。吳克群喺報道中，亦講舊愛超蓮噃!問到佢入行以嚟，大家都只關心佢嘅戀情，佢話呢個就係佢呢幾年嘅熱血被淋熄嘅關鍵，直言「寫我談戀愛是想要豪門甚麼的，我每天都在媒體上看到不是我的人，這超幽默的」。提到吳克群第一次高調認愛，與超蓮拍拖4年，最終分手收場，有冇後悔公開呢段關係，佢坦言：「那四年我很開心，不會後悔，我以前就不愛公開戀情，可是需要給對方認定的話，我也會做，這次我理解到，感情還是放在可以保護的地方，不要和工作混淆，會被解讀太多的視角，但明明最清楚這段感情的只有我們兩個人。」對於佢同超蓮分手後，話超蓮身邊友人爆料吳克群利用人，又暗示關係有第三者，吳克群認當時有啲「小翻臉」，佢續言：「她Ig上寫甚麼都沒關係，我都接受，但旁邊的人這麼多話是衝啥!」間接寸爆當時超蓮好友李蘊講嘅嘢。
| 吳克群接受台灣傳媒專訪，坦言無悔同超蓮拍拖，但就好介意佢身邊嘅人好多說話。(資料圖片) | | |
| | | |
來源 source: http://s.nextmedia.com
|
鍾意就快D Share啦！
|
|
|
