朱晨麗傷勢都好誇張吓喎！
藝人朱晨麗（朱朱）於無綫劇集《味想天開》化身古裝美女。她被問及拍攝點滴時，即爆出拍攝首日就出師不利「中頭獎」，不慎畀惡蚊咬親額頭而腫起一大片，令「睇唔過眼」的導演下令停廠一日！當時慘被咬腫靚樣的朱朱透露當日連遠鏡拍攝亦見到其「傷勢」，認真慘豬：「當時夏天拍攝會好多蚊，我第一日拍就好唔順利，直頭拍唔到！因為我畀蚊咬到額頭，腫起咗好大舊，發作得好快，成半個額頭都腫晒！水鄉場景遠處有條橋，就算擺個鏡頭喺橋上拍Wide Shot過嚟，都仲見到我個額頭腫咗。所以導演決定要下次先拍。」該劇主要取景於電視城新搭建的水鄉場景，雖然朱朱在裏面拍攝時慘遭蚊子的毒手，但她仍然對水鄉的寫意靚景有讚無彈：「水鄉影出嚟幾靚，全部都係實景。我哋仲有好多場要喺水鄉街上試食，好多村民演員就真係一邊拍，一邊燒烤同打邊爐。」
提到朱朱於劇中與黃子恆飾演一對多番離合的情侶，她就直認與對方談情「有難度」：「我角色好正義，會幫人醫病。黃子恆於劇中吸食毒物而走火入魔，係我令佢回心轉意。大家感情上好多波折，分開又一齊再分開，當中感情起伏位比較難少少去拿捏！因為我哋唔可以每次分手都一樣樣，要諗吓點樣令埸面更有層次感。」
化妝：Raymond Yip
髮型：Steve Shek@HAiR
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
來源 source: http://hk.on.cc
|
鍾意就快D Share啦！
|
|
|
