掃呢頁CODE去手機

2017年1月31日 星期二

【可能係最溫馨嘅演唱會!】三代同台踩上紅館 老婆現身搞喊鄭中基 __,中基,鄭中基,

【新增內容】鄭中基《PLAYITAGAIN世界巡迴》演唱會,話咁快已經最後一場,今晚同樣前幾晚一樣,都有囡囡嘅表演時間,但今晚就同之前唔同,唔係鄭中基去到台下,而係邀請咗囡囡Emma上台,除咗囡囡,囝囝Evan都上埋台。喺鄭中基爸爸鄭東漢做完嘉賓後,工作人員帶囡囡同Emma上台,鄭中基就問Emma係唔係想唱歌,之後Emma點咗一點頭,就唱咗首賀年歌。唱完之後鄭東漢就抱住孫仔Evan,Evan仲鍚咗 ...




其他影片:>>






【新增內容】鄭中基《PLAY IT AGAIN世界巡迴》演唱會,話咁快已經最後一場,今晚同樣前幾晚一樣,都有囡囡嘅表演時間,但今晚就同之前唔同,唔係鄭中基去到台下,而係邀請咗囡囡Emma上台,除咗囡囡,囝囝Evan都上埋台。喺鄭中基爸爸鄭東漢做完嘉賓後,工作人員帶囡囡同Emma上台,鄭中基就問Emma係唔係想唱歌,之後Emma點咗一點頭,就唱咗首賀年歌。唱完之後鄭東漢就抱住孫仔Evan,Evan仲鍚咗鄭中基一啖,而Emma就攬一攬鄭中基,最後呢個溫馨嘅場面,就隨住爺爺鄭東漢抱住帶住兩個孫落台。另外,噚晚揾舊愛楊千嬅做嘉賓,所以一直有傳今晚嘅嘉賓,會係同Ronald結過4年婚嘅前妻蔡卓妍(阿Sa),但阿Sa都唔係香港,所以大家真諗多咗,而據知今晚嘅嘉賓係一男一女,分別係陳慧琳同埋黃子華,唔知係唔係有機會聽到子華神唱歌呢?喺Encore之前,鄭中基老婆余思敏上埋台,罕有開腔:「大家好!我好緊張呀,我好耐冇揸住支咪喺大家面前講嘢,好多謝大家咁支持佢。」余詩敏仲話知道Ronald好鍾意唱歌,所以要面對好大嘅壓力,對自己嘅要求好高,而自己只可以做佢背後嘅女人,佢話:「我可以做到嘅嘢好少少,我只能夠喺佢後面畀佢最強大嘅後盾同支持,等佢可以冇任何後顧之憂可以做佢鍾意做,想做,同埋需要做嘅嘢。」Roald聽完老婆一番話,哽咽講:「其實導演你咁樣想搞喊我係冇好結果㗎!」

鄭中基太太余思敏罕有開腔,撐夫之餘仲咀咀老婆。(攝影:陳慧安) 鄭中基今晚尾場,阿女同阿仔都有上台,仲互相錫嘴。 囡囡Emma今日提早咗唱賀年歌。
鄭東漢抱住Evan,同中基錫錫。
喺台下睇咗幾日,尾場太太終於上台擁抱。 暴龍哥眼濕濕。
最後咀咗啖。

來源 source: http://s.nextmedia.com
鍾意就快D Share啦!