網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月11日 星期三

【封面●動畫】強國發展商賤招爭龍頭 新地開錯價捱打 __,強國,中國,

【封面●動畫】強國發展商賤招爭龍頭新地開錯價捱打過去多年來的龍頭盤,主要都是本地大孖沙長實、新地、恆基、又或新世界之爭。但隨着內企趕着走資盲搶地,2017年第一仗,演變成本地薑大戰過江龍,結果是,後者偷襲得手。有行內人士指,中資發展商殺入本地市場,往往不計較價錢或形象打游擊:爭龍頭、霸靚地、語出驚人、連垃圾房都賣!已為本地薑帶來沉重壓力。人無恥、便無敵,原來賣樓都係。回帶至2001年,時任新地副主 ...




  • 其他影片:>>






  • 【封面●動畫】強國發展商賤招爭龍頭 新地開錯價捱打
  • 過去多年來的龍頭盤,主要都是本地大孖沙長實、新地、恆基、又或新世界之爭。但隨着內企趕着走資盲搶地,2017年第一仗,演變成本地薑大戰過江龍,結果是,後者偷襲得手。

    有行內人士指,中資發展商殺入本地市場,往往不計較價錢或形象打游擊 :爭龍頭、霸靚地、語出驚人、連垃圾房都賣!已為本地薑帶來沉重壓力。人無恥、便無敵,原來賣樓都係。

    回帶至2001年,時任新地副主席兼董事總經理郭炳江,公布投資逾100億元,落實在原先賣雞賣鵝的元朗雞地,發展「十年大計」。十年後,這個計劃陸續收成,相繼發展成YOHO Town、YOHO Midtown等物業,每次開賣都帶挈元朗樓價大升,將雞地變成「黃金雞地」。

    去年八月新地推售Grand YOHO一期,繼續點可成金,更加收過萬票,套現近一百億。但近日推售2期時,反應卻讓人跌了一地眼鏡碎。究其原因,是新地錯判形勢,結果開錯價。翻開價單,平均呎價折實要萬四元,比一期首批價單足足貴了兩成一。單位又以三、四房為主,一房最平入場價要五百多萬,價錢夠買市區兩房。

    可惜市區客嫌遠,同區客嫌貴!在該區居住的葉小姐指:「我自己都比較鐘意市區樓,都唔會住喺元朗。依家大陸人多咗,逼咗好多,依個價喺依區真係貴咗少少。」祥益地產營業董事謝澤銘也稱,客人對新地開價都表現愕然:「好多客同我反映好貴,依個價不如買市區樓!」

    而且:「同區二手市場,好似YOHO Midtown,呎價都係一萬三千左右,選擇自然多咗好多。嚟梗荃灣西又有好多盤源,好多客都會去比較,等梗機會。」

    城市大學建築科技學部高級講師潘永祥點出新地「進退失據」。他指,上年尾樓價回升後,發展商有意製造「依家唔買,第日仲貴」的氣氛,但這次失效:「舊年依招都ok,但最近大家都擔心嚟梗加息步伐會唔會加快,對經濟信心一般。」

    黃金雞地變了發霉荒地,造就了中海外盛勢而起,Grand YOHO反襯出啟德一號唔算貴。此項目屬「港人港地」項目;港人項目由內地發展商投得,已經吊詭。如吃了「誠實豆沙包」的中海外地產董事總經理游偉光,在一期開售時更拋出一句:「無講話可以合理價錢比香港人買到。」

    到今次開賣二期,折實呎價要一萬七千元,較一期高兩成一(升幅與Grand YOHO又一樣),游偉光一樣反問:「咁點樣先唔進取?」而且竟破天荒將垃圾房納入實用面積,中海外賣每個垃圾房,即賺多十萬至十六萬元。游偉光對此繼續串咀本色:「設計係鼓勵業主做垃圾分類。」

    你有你鬧、我有我賣。有意幫仔女出手、購入一房單位的梁女士,便看好啟德發展前景,認為該盤仲有升值潛力。「價錢都係預六百幾萬左右,有工返就唔洗擔心樓價會跌」截至本周一,啟德1號二期已累收千六票,中海外並有計劃加價加推。

    本地薑大戰過江龍,此類戲碼將陸續上演。事關過去兩年,內房為走資或向外發展,投地的數目驚人,部份地區更只有中資投得地皮,如高銀金融以六十三億投得何文田地王、連街坊區石峽尾,亦由世茂房地產以七十億奪得地皮。按過去兩年投地記錄計算,除了啟德區外,大埔區及屯門區亦會上演中港大戰,多個中資港資樓盤對戰,正面對撼。

    中原集團創辦人施永青亦指,中資在港投地會成為新常態:「內地發展商規模大過香港好多,萬科一年起嘅樓,多過香港發展商加埋啦,佢嘅管理能力、營運效益都強過香港。依家香港發展商大部份係第二代、第三代,守到業已經叫交到功課。」

    他續指:「我見你哋先話發展商壟斷,加入新競爭者係好事嚟架,公開市場多競爭先至有進步。」對於地價搶高會否導致樓價上升,他指:「要睇市場承接能力,唔係話開咩價就賣幾多,做生意唔係實賺。」又補充中海外不是「寸爆」:「你咁問人(問題),人哋都可以覺得你好串啫。」

    撰文:財經組

    攝錄:財經組

    鍾意就快D Share啦!