2017年1月19日 星期四

拍真人騷被辣㷫 郭富城嬲爆轉身走人 __,郭富城,

嘩,咩事?!天王郭富城近日為大陸真人騷《我們十七歲》拍攝,並與拍檔孫楊齊齊上咗湖北武當山,諗住拜師學藝。不過拍攝中途,就見到郭富城忽然被辣㷫,繼而轉身離場,仲嚇親孫楊㖭!喺節目最新預告片中所見,郭富城忽然同導演組激烈爭執,黑住面指責節目組謂:「當初跟你談的時候不是這樣的嘛!」而工作人員就試圖解釋,不過就被怒火中燒嘅郭富城打斷說話:「你現在根本就沒有理解我們的感受!」而企喺郭富城身旁嘅孫楊顯得一臉驚 ...


嘩,咩事?!

天王郭富城近日為大陸真人騷《我們十七歲》拍攝,並與拍檔孫楊齊齊上咗湖北武當山,諗住拜師學藝。不過拍攝中途,就見到郭富城忽然被辣㷫,繼而轉身離場,仲嚇親孫楊㖭!

喺節目最新預告片中所見,郭富城忽然同導演組激烈爭執,黑住面指責節目組謂:「當初跟你談的時候不是這樣的嘛!」而工作人員就試圖解釋,不過就被怒火中燒嘅郭富城打斷說話:「你現在根本就沒有理解我們的感受!」而企喺郭富城身旁嘅孫楊顯得一臉驚愕,不知所措,淨係一支竹咁企咗喺度。

去到尾段,郭富城仲嬲爆放狠話:「我告訴你,如果你沒弄好我就不睡!」之後佢就漏低孫楊,自己一個憤然轉身離開拍攝現場,氣氛相當嚴肅。雖然唔知到底係節目效果定係真.嬲豬,不過見平時好叻控制自己情緒嘅郭富城,今次突然失控,都真係幾得人驚!

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...