網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年1月8日 星期日

【挑戰鼎爺?】請娛圈僅餘朋友做嘉賓 杜汶澤過奇妙電視開飲食節目 __,奇妙電視,杜汶澤,

民以食為天,近日觀眾熱捧李家鼎主持無綫飲食節目《阿爺廚房》,大讚鼎爺廚藝頂呱呱,就連有「杜大廚」之稱嘅杜汶澤都喺facebook開po力讚。其實好客阿澤都成日搞家宴,招呼朋友返屋企食好西,估唔到今年5月開台嘅免費電視——奇妙電視有限公司(奇妙電視),邀到阿澤開拍一共13集嘅飲食節目《杜汶澤食住上》,為開台打響頭炮。據知阿澤每集都會邀請嘉賓出席,同佢哋互動講飲講食,阿澤又即場示範一味撚手小菜。阿澤噚 ...




其他影片:>>






民以食為天,近日觀眾熱捧李家鼎主持無綫飲食節目《阿爺廚房》,大讚鼎爺廚藝頂呱呱,就連有「杜大廚」之稱嘅杜汶澤都喺facebook開po力讚。其實好客阿澤都成日搞家宴,招呼朋友返屋企食好西,估唔到今年5月開台嘅免費電視——奇妙電視有限公司(奇妙電視),邀到阿澤開拍一共13集嘅飲食節目《杜汶澤食住上》,為開台打響頭炮。據知阿澤每集都會邀請嘉賓出席,同佢哋互動講飲講食,阿澤又即場示範一味撚手小菜。阿澤噚日回覆《蘋果》時話:「我每集會教一味餸,冇話西餐定中菜,總之係我拿手菜,同大家分享吓,o依家一路搜集緊好材料同籌備緊。」咁係咪好似鼎爺呢?阿澤好謙虛咁話:「當然無法同鼎爺比較,佢高深莫測,我哋呢啲係師奶仔,點同佢比,我純粹煮啲屋企嘢。」阿澤呢次會碌卡請邊啲嘉賓撐場,佢搞笑話:「咪我喺娛樂圈僅餘嘅朋友,好似鄭中基、鄧麗欣同薛凱琪,都係呢啲。」阿澤話節目密鑼緊鼓籌備中,大約本月尾開拍,奇妙電視希望可以喺節目播出街前拍晒存貨。阿澤會教煮乜嘢正菜?佢話:「除咗我整開嗰啲餸菜外,仲會煮番外母生前嘅家傳秘方,外母最叻煮燉元蹄,同大家share吓,我平日煮西餐多,我拿手係24小時慢煮牛肋骨、薯蓉同麵包布甸,呢啲一定會煮。」阿澤話平日最大興趣係空手道、煮嘢食同攝影呢三樣,所以一直好恨拍煮嘢食節目:「我好鍾意煮,又鍾意食,可惜一直冇機會,呢次陰差陽錯,我對節目班底好有信心。希望做好啲,大家多啲飲食嘢睇,今時今日,食嘢係唯一可以提供大家最大娛樂。」呢啲節目往往唱好食肆,偏偏阿澤搞搞新意思:「除咗教煮,我仲會拍吓介紹『劣食』,搵錢好辛苦,中伏好唔抵,我會搜羅城中劣食,希望大家消費時唔好中伏,教大家避之則吉。」阿澤擅煮,有興趣出烹飪書嗎?佢耍手擰頭表示:「好多出版社有叫我出cook book,但我覺得睇影像會容易感受得到。」咁不如搞檔私房菜?阿澤又唔制:「令鍾意嘅嘢商業化咗就唔好。」佢話平日屋企成日搞飯局,朋友到嚟要收錢,磅水五嚿到七嚿不等食好西,佢話:「我不計成本煮正嘢大家食,仲會不扣除成本,將啲錢捐作慈善用途。」

阿澤自謙係師奶仔,唔可以同廚藝高深嘅鼎爺相比。 阿澤愛下廚,不時用啲特別工具係烹調美食。 中菜又得
西餐都掂 阿澤平日愛搞home party宴請朋友 阿澤話自己最大興趣係空手道同煮嘢食
李家鼎喺《阿爺廚房》大展廚藝身手(資料圖片)

來源 source: http://s.nextmedia.com
鍾意就快D Share啦!