掃呢頁CODE去手機

2017年1月22日 星期日

贏千六萬笑足成個月 志偉醒你贏錢秘笈 __,志偉,曾志偉,

志偉教你點贏大錢!藝人曾志偉到九龍城出席「長者盆菜宴」,上月以$2,000下注賽馬,成功「過五關斬六將」,從幸運之神手中贏得一千六百多萬元彩金!問到投注心得?他說:「我都話『行運財神,純粹好運!』我覺得香港人精神:『唔賭唔知時運到!』大家見我張飛,我一百元一條,大家可以縮到變十元買,都可以中百幾萬,都係大家夢想,馬迷鍾意研究賽馬最好,馬會係做善事,大家開心,呢個月我不停笑,報紙都分析我點樣中,我除 ...


志偉教你點贏大錢!

藝人曾志偉到九龍城出席「長者盆菜宴」,上月以$2,000下注賽馬,成功「過五關斬六將」,從幸運之神手中贏得一千六百多萬元彩金!問到投注心得?他說:「我都話『行運財神,純粹好運!』我覺得香港人精神:『唔賭唔知時運到!』大家見我張飛,我一百元一條,大家可以縮到變十元買,都可以中百幾萬,都係大家夢想,馬迷鍾意研究賽馬最好,馬會係做善事,大家開心,呢個月我不停笑,報紙都分析我點樣中,我除咗開心就係開心,除咗感恩就係感恩!(你點解會咁買?點樣度出嚟?)冇得度嘅,如果有得度,阿叻(陳百祥)中咗好耐,佢日日睇晨操!不過佢累積可能贏得多過我,我一次過咁好彩啫!」

認搬屋有睇風水

問到是否大埔新居風水利旺他發橫財?志偉說:「依家好多人喺大埔住,我啱啱搬啫,風水我唔係唔信,但你個人行運就有風水啦,最緊要做好事、平常心、心地好!(買樓前睇過係好風水?)我次次習慣買咗先睇,睇係求心安,唔想阻我自己,見到鍾意咪買咗先,如果吓吓夾風水,可能好耐都買唔到樓。」

中完獎即醉

問到幸運之財會如何使用?志偉說:「平常心,善事我不斷有做,我唔覺得特別中要特別做多啲,善事keep住做,不斷做,保持住有心就得。(買咗乜獎勵自己?)我都唔記得有冇買,平常心,冇乜所謂,開心,日日慶祝緊,醉咗好多晚。(請唔請得晒啲朋友食飯?)仲未請晒,我諗要跨年,食飯都好啲,有啲話要環遊世界,我點得閒?(忙於數銀紙?)都未見過啲錢,張支票擺喺櫥窗後冇掂過,啲人問我要唔要cash?我要cash嚟做咩?等賊仔呀?連我個女都打畀我,問我當時中獎咩反應?我話我唔夠幾分鐘醉咗!」

唔想騷擾華仔

提到會否探望拍廣告遇意外正留院的劉德華?志偉說:「佢需要休息,唔想騷擾佢,同苗僑偉傾過,過一兩日先,我冇打電話畀劉德華,因為都係由佢旁邊人代佢回覆,講嘅都係向媒體交代嘅說話。(帶啲旺氣、幸運利是畀佢?)唔使,佢冇事嘅!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!