2017年1月14日 星期六

【被強國列黑名單】張敬軒被踢出《我是歌手》 英皇:稍後統一回應 __,張敬軒,我是歌手,英皇,強國,中國,

張敬軒幾日前先宣佈參加湖南衛視《我是歌手5》(現改名《歌手》),仲喺微博發表千字文,表白愛國心跡!但軒仔似乎兩邊都難討好,除咗香港網民不屑外,連強國網民都直斥佢前後兩個樣!軒仔早前傳入內地封殺「黑名單」,其後軒仔發表一個中國偉論,更成功參加《歌手》比賽一展歌喉,點知最終都疑被出局!!!!據聞軒仔早前已錄影第一集,大膽挑戰樂壇天后林憶蓮、杜麗莎、蕭敬騰領銜嘅獅子樂團等唱得之人。節目原定下星期六(21 ...


張敬軒幾日前先宣佈參加湖南衛視《我是歌手5》(現改名《歌手》),仲喺微博發表千字文,表白愛國心跡!但軒仔似乎兩邊都難討好,除咗香港網民不屑外,連強國網民都直斥佢前後兩個樣!軒仔早前傳入內地封殺「黑名單」,其後軒仔發表一個中國偉論,更成功參加《歌手》比賽一展歌喉,點知最終都疑被出局!!!!據聞軒仔早前已錄影第一集,大膽挑戰樂壇天后林憶蓮、杜麗莎、蕭敬騰領銜嘅獅子樂團等唱得之人。節目原定下星期六(21號)播出街,但今日突然有大陸網民「芒果女漢子」爆料,指軒仔會被抽走所有內容,包括唱歌部份,連同嘉賓互動都會cut埋,如果刪唔走就會用馬賽克遮樣。被抽走原因不明,《蘋果》記者致電英皇高層Mani就未有否認事件,只話﹕「稍後統一回應。」不過睇番《歌手》節目官方微博確實刪走晒有關軒仔嘅一切,而軒仔早前喺微博貼咗關於影《歌手》海報嘅post,原本係要感謝一班團隊,但o依家都冇埋,話「此微博被作者刪除」;而《歌手》節目組又下旨,叫其他歌手當冇事發生,仲可能因為少咗個參賽歌手而改賽制,或者搵其他歌手補上,似乎大家想將一切證據「消滅」。軒仔喺近一個鐘頭前,又將「陣地」移番去instagram,佢貼咗張由床上影嘅窗邊相,相中透現出一線曙光,留言﹕「睡到自然醒。」唔知係未知發生咩事?定係真係無咩所謂?

(軒仔Instagram圖片) 軒仔已影咗poster同錄咗第一集節目。 軒仔微博截圖
當時軒仔心情好興奮 點知噚日睇番,個post已刪… 大陸網民「芒果女漢子」爆料

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...