掃呢頁CODE去手機

2017年1月1日 星期日

口罩兵團擺毛巾陣 大劉倒數.又要蒲又怕菌 __,大劉,劉鑾雄,

查看相片口罩兵團擺毛巾陣大劉倒數.又要蒲又怕菌【東方日報專訊】Happy2017!我Nuts哥祝各位讀者新年進步,身體健康!有錢搵日日魚翅撈飯當然開心,但係最緊要都係身體健康,行得走得又食得先至最Happy,尤其係男人,好腰好腎先至係好男人!尋晚不知幾多除夕倒數Party要逐個去,我Nuts哥9點幾去到中環嗰站,未入到場已經嚇咗一跳,我飲多幾杯啫,唔係眼花嘛!做乜咁驚嚇?咪又係新婚嘅劉鑾雄囉!大劉 ...


查看相片
口罩兵團擺毛巾陣 大劉倒數.又要蒲又怕菌

【東方日報專訊】Happy 2017!我Nuts哥祝各位讀者新年進步,身體健康!有錢搵日日魚翅撈飯當然開心,但係最緊要都係身體健康,行得走得又食得先至最Happy,尤其係男人,好腰好腎先至係好男人!尋晚不知幾多除夕倒數Party要逐個去,我Nuts哥9點幾去到中環嗰站,未入到場已經嚇咗一跳,我飲多幾杯啫,唔係眼花嘛!做乜咁驚嚇?咪又係新婚嘅劉鑾雄囉!大劉同老婆仔甘比兼囡囡齊齊去倒數Party,身邊有六名戴住口罩嘅保鏢傍住,以品字形陣式圍住劉氏一家三口。

唔好以為係保鏢就可以埋到大劉身,主次有序㗎!每位保鏢同大劉點都保持兩呎距離,而且個個都要戴實口罩兼「左右開弓」,即係左右手都要水平線攤開做人肉扶手,每隻人肉扶手都要用白色毛巾包住,以備大劉隨時兩手一伸,都可以百分百安全兼無菌扶實!期間大劉為防記者行近,即刻開口話:「你哋都要小心啲!」短短幾步路,都要行足幾分鐘!

下次帶埋空氣清新機

又要威又要戴頭盔!明知自己啱啱換咗腎,唔可以有細菌感染,淆底嘅就唔好出嚟倒數好似結婚簽字咁匿喺屋企咪得囉!出動埋口罩兵團,六個口罩加十二條毛巾,仲要驚有人埋身要人開路,呢個陣式係咩玩法?如果驚到咁,下次出動咪要帶埋空氣清新機?其實依家好興VR360,好似王菲演唱會咁之嘛,大劉想倒數,都一樣可以搵人直播Party,自己花少少錢買個VR GOOGLE,咪一樣有現場感同人倒數囉!


鍾意就快D Share啦!