掃呢頁CODE去手機

2017年1月19日 星期四

西盃:西盃 出埋C朗強陣都輸?皇馬兩連敗搞乜! __,C朗,基斯坦奴朗拿度,

(法新社圖片)即刻睇皇馬點輸:http://bit.ly/2jalYPr 大件事呀!之前造出咗跨季40場不敗嘅西甲班霸皇家馬德里,經過上周末畀西維爾打破不敗身後,竟然衰開有條路,喺今晨西班牙盃8強首回合,再次輸波,今次仲要係主場輸畀切爾達1比2,面臨出局。主帥施丹今鋪認真頭痕呀!咪幫「銀河艦隊」搵藉口,今場佢哋應該係堅輸呀!雖然只係踢西盃,但皇馬今場個陣容相比起上周西甲場波只係作出4個調動,就連首 ...


(法新社圖片)

即刻睇皇馬點輸:http://bit.ly/2jalYPr 

大件事呀!之前造出咗跨季40場不敗嘅西甲班霸皇家馬德里,經過上周末畀西維爾打破不敗身後,竟然衰開有條路,喺今晨西班牙盃8強首回合,再次輸波,今次仲要係主場輸畀切爾達1比2,面臨出局。主帥施丹今鋪認真頭痕呀!

咪幫「銀河艦隊」搵藉口,今場佢哋應該係堅輸呀!雖然只係踢西盃,但皇馬今場個陣容相比起上周西甲場波只係作出4個調動,就連首席球星C朗都係近兩年來首次喺西盃披甲,你都咪話主帥施丹唔重視場波。不過,重視唔等於會贏,「銀河艦隊」今場表現真係低於水平,C朗要踢到33分鐘先搵到佢第一次射門。

至於場波高潮,就由64分鐘開始,切爾達個伊亞高艾斯巴斯先憑次快速反擊,離門12碼勁射破網領先。皇馬喺69分鐘憑馬些路射個「窩利」省中對方守將改變方向入網追平。可惜「銀河艦隊」開心唔夠1分鐘,切爾達又憑伊亞高艾斯巴斯交個靚波畀隊友莊尼卡斯度射入,再度領先直到完場。最終切爾達喺首回合贏2比1,帶住兩個寶貴作客入球,等次回合再鬥個。

東網體育同你追實體壇每個精彩時刻! 

http://bit.ly/2ecTF2A


來源 source: http://hk.on.cc
鍾意就快D Share啦!