自從鄧紫棋（G.E.M.）喺2013年參加咗內地節目《我是歌手》爆紅之後，佢就由起初走清純、可愛路線嘅「金魚G.E.M.」進化成為「宇宙巨G.E.M.」！
而最近就有報道指《我是歌手》最新一季本來想邀請林憶蓮參戰，仲搵埋宇宙巨G.E.M.單挑天后。不過就被爆出林憶蓮不滿G.E.M.批評前輩歌手，又唔識尊重前輩，搞到兩人不和嘅消息甚囂塵上。 G.E.M.今次又再惹上唔識尊重前輩嘅是非，唱片公司當然即刻發文澄清：「近日關於鄧紫棋是否出席《歌手》，網上出現了諸多猜測，更有個別網站散佈諸如"鄧紫棋因為某位歌手不合而缺席"等不實語論。在此，蜂鳥音樂正式告知，由於鄧紫棋於2017年3月底開展新一輪全球巡演，目前已全面開始籌備，故不能參加《歌手》錄製。」
雖然公司咁講，但係又好難令人信服嘅。大前年佢就已經被前輩級歌后甄妮公開鬧佢:「不懂尊重前輩，大鼻得目中無人，基本家教也欠奉，唱歌如何了得也於事無補」、另外佢亦曾被爆連Psy都唔放在眼內，喺錄製內地節目《蓋世英雄》嘅時候，執意選用自己嘅版本，無視對方嘅用心，因此傳出不和。不過G.E.M.事後就話係節目效果，不過兩人文化背景唔同，有意見不合都好正常咁話。
今次雖然G.E.M.公司單方面話唔關事，不過林憶蓮方面就無出聲，唔知今次係咪又係節目宣傳呢？
來源 source: http://hk.celebrity.yahoo.com
|
鍾意就快D Share啦！
|
|
|