掃呢頁CODE去手機

2017年1月26日 星期四

【未坐完月去蒲】陳茵媺周家蔚去High tea 張嘉兒出席婚宴 趙哲妤飛泰國還神 __,茵媺,趙哲妤,周家蔚,家蔚,張嘉兒,陳茵媺,

【未坐完月去蒲】陳茵媺周家蔚去Hightea張嘉兒出席婚宴趙哲妤飛泰國還神傳統中國人都注重坐月,因產後女人元氣及體力耗損,身體較虛弱,為調理補身,唔吹得風等等,要在家坐足一個月先可以出街。不過時代唔同,女人產後好難坐得定,未滿月要出動。張嘉兒產後兩周賀戚黛黛去年九月初誕下B女Leora的港姐張嘉兒,因之前錯過老友戚黛黛在意大行舉行的婚禮,故趁老友返港補擺婚宴,未坐完月的張嘉兒唔理咁多,現身到賀送嫁 ...


  • 【未坐完月去蒲】陳茵媺周家蔚去High tea 張嘉兒出席婚宴 趙哲妤飛泰國還神
  • 傳統中國人都注重坐月,因產後女人元氣及體力耗損,身體較虛弱,為調理補身,唔吹得風等等,要在家坐足一個月先可以出街。不過時代唔同,女人產後好難坐得定,未滿月要出動。

    張嘉兒產後兩周賀戚黛黛

    去年九月初誕下B女Leora的港姐張嘉兒,因之前錯過老友戚黛黛在意大行舉行的婚禮,故趁老友返港補擺婚宴,未坐完月的張嘉兒唔理咁多,現身到賀送嫁,仲唔怕俾冷氣吹親,背心裙現身。事後佢上載婚宴照片留言:「錯過了新娘,又錯過了意大利的婚禮,今天終於可給好姊妹一個擁抱。月子中都不可錯過的一個婚禮。

    陳茵媺產後一星期逛街

    呆在家中一個月又真係幾辛苦嘅!所以前年年頭陳茵媺生完細仔Nathan Lucas只係一星期,就急不及待孖老公陳豪蒲出街。不過陳茵媺出街還出街,仍乖乖做曬防風功夫,戴冷帽,著大褸兼戴埋口罩出動,同老公去銅記揀BB衫兼High tea。

    趙哲妤坐月期去還神

    去年底在馬來西亞早產誕女的趙哲妤,月都未坐完,就孖老友兼B女筱靖去鄰近的泰國走一轉,拜四面佛還神,拜神大過坐月,服咗佢。

    周家蔚坐月兩周去High tea

    前年生完細仔JT的周家蔚,已拖住老公洪天明、大仔TJ同媽咪,一行四人浩浩盪盪去中環飲下午茶。不過見到記者採訪,無化妝未修身嘅周家蔚怕羞匿在老公身後,而洪天明就話:「老婆要覆診,如果唔係我都唔俾佢坐月出街。」

    坐緊月嘅陳茵媺,孖老公陳豪掃BB衫。
    張嘉兒當日一樣未坐完月,就著住背心裙去賀戚黛黛。
    趙哲妤生完女兩星期,同筱靖飛去泰國還神。
    周家蔚亦難耐坐月,拖老公同大仔出動去High tea。

    鍾意就快D Share啦!