掃呢頁CODE去手機

2017年1月16日 星期一

【劉華Sammi合體】李連杰人肉速遞賀向太58歲生日 洗米華單拖俾面到 __,李連杰,向太,鄭秀文,Sammi,許冠傑,Sam,陳嵐,洗米華,周焯華,劉德華,劉華,

【劉華Sammi合體】李連杰人肉速遞賀向太58歲生日洗米華單拖俾面到劉華、Sammi、關之琳、劉青雲仲有李連杰,卡士勁過頒獎禮呀!大家俾面到齊,因為向太陳嵐58歲生日,開P慶祝囉!星期日(15日)係向太正日生日,特別喺君悅搞生日P,佢套翡翠頸鏈同戒指夠晒份量呀!雖然日前李連杰同囡囡由香港飛咗去三亞玩,但為咗同向太慶祝,佢特別飛番香港,非常俾面。不過講到俾面,Sammi一樣誠意十足,佢剛剛飛去外地做 ...


  • 【劉華Sammi合體】李連杰人肉速遞賀向太58歲生日 洗米華單拖俾面到
  • 劉華、Sammi、關之琳、劉青雲 仲有李連杰,卡士勁過頒獎禮呀!大家俾面到齊,因為向太陳嵐58歲生日,開P慶祝囉!

    星期日(15日)係向太正日生日,特別喺君悅搞生日P,佢套翡翠頸鏈同戒指夠晒份量呀!

    雖然日前李連杰同囡囡由香港飛咗去三亞玩,但為咗同向太慶祝,佢特別飛番香港,非常俾面。

    不過講到俾面,Sammi一樣誠意十足,佢剛剛飛去外地做嘢,返港後冇瞓過,就扮靚靚同許志安一齊嚟party。佢嘅黑色短裙look,同關之琳撞晒,即刻變孖妹!

    劉青雲同老婆郭藹明恩愛到賀,洗米華就單拖趕到,仲有玩具大王蔡志明、毛玉萍同金燕玲。被問到送乜嘢生日禮物,呂良偉太太小娟就話折現,事關向太會全部攞嚟做善事。

    向太生日,佢個仔向佐好風騷,喺場內不停集郵,仲喺微博多謝所有來賓,同祝向太生日快樂。

    鍾意就快D Share啦!