電影《行運一條龍》中扮演「小芬女」、「童顏」藝人黃美棋由當年的童星變成亭亭玉立的美少女，因為一張在保齡球場內身穿緊身Tee展露身段的生活照，瞬即熱爆網絡成為「網絡女神」。今次為東網巨星全新節目《區區有女神》再走訪當日在太子演出的茶餐廳，買了新鮮熱辣菠蘿包再到鬧市，邀請市民自拍兼派包，點知竟然被人大膽拒絕！
高手教路極速破蛋
第一個「靚仔自拍王」在未看到美棋BB出現時，笑笑口說：「OK佢幾靚！」怎料一看到美棋BB立即「硬晒軚」，仲話：「個菠蘿包唔使畀我你留番自己食」不過一話有得同美棋BB自拍，靚仔即刻舉機擺出一副Chok樣，果然「口裏說不，身體卻很誠實！」至於另一位「怪醫秦博士」留有一頭長留海有型過人，未看到美棋BB時就大讚對方靚女，但一見到真人派包即時耍手兼擰頭說：「唔使嘞！我等緊女朋友！唔好」雖然兩位型男都唔願食包，但講到同美棋BB合照，兩個都唔拒絕嘞！
知耻近乎勇，美棋BB換上緊身激凸Tee配超熱褲走訪保齡球場。本想一展身手，不過她似乎有姿勢欠缺實際，連續打了數次都「落坑」，「零分」收場。幸好終於吸引到現場隱世保齡球高手「杧果哥」的注意，表示要指導美棋BB的保齡球技術，經過「杧果哥」的悉心教導下，美棋BB突飛猛進，終於零的突破，整整打中三個保齡球樽，令全場即刻拍爛手掌，美棋BB還和場內眾人拍攝大合照，場面熱鬧。
獲拍片示愛勁感動
由出道至今，美棋BB都有一群忠實粉絲在身邊默默支持她，他們還特地拍攝了數段影片，向美棋BB表達愛意，其中一位「四眼靚仔粉絲」，在片段中大讚美棋BB親民、沒有架子，表示會繼續支持對方，令美棋BB十分感動。美棋BB亦藉此向粉絲透露心底話：「多謝你們的支持，知道你們一直都好支持同鼓勵我，我會努力做更多好嘅演出畀大家！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
