掃呢頁CODE去手機

2017年1月22日 星期日

【派洋葱】曾涉醉駕嗜賭欠債 Tommy台上向亡母鞠躬淚謝 __,Tommy,阮文安,

之後再到Tommy獨唱《哪一天我們會飛》,螢幕播出佔領運動片段,仲有個着到好似教會聖詩班咁樣嘅人伴唱。之後佢再獨唱多一隻歌,自彈自唱《錯愛》,大螢幕播Tommy亡母媽咪啲相,仲有啲graphic寫埋「IloveyouMom」,大晒溫情。Tommy喺唱完《錯愛》後同觀眾傾偈,一開聲已哽咽謂:「今日好多謝大家嚟(觀眾大叫:「唔好喊!」),多謝大家嚟睇我哋重組演唱會。」「我由98年加入娛樂圈,組成E-k ...




其他影片:>>






之後再到Tommy獨唱《哪一天我們會飛》,螢幕播出佔領運動片段,仲有個着到好似教會聖詩班咁樣嘅人伴唱。之後佢再獨唱多一隻歌,自彈自唱《錯愛》,大螢幕播Tommy亡母媽咪啲相,仲有啲graphic寫埋「I love you Mom」,大晒溫情。Tommy喺唱完《錯愛》後同觀眾傾偈,一開聲已哽咽謂:「今日好多謝大家嚟(觀眾大叫:「唔好喊!」),多謝大家嚟睇我哋重組演唱會。」「我由98年加入娛樂圈,組成E-kids,去到2006年,人生上出現咗好大嘅錯誤(編按:當年Tommy醉駕,又因嗜賭欠債),令到好多喜歡我、唔認識我嘅人對我有呢個標籤。而呢個標籤,我相信除咗我最難受之外,就係我爸爸媽媽。「因為我媽媽一路都唔贊成我入娛樂圈,18歲時送我去紐西蘭讀書,但係當時我決定返嚟做歌手,我返嚟之後,媽咪就好失望,試過食飯嘅時候,故意唔擺我個位。」「2003年,我哋第一個演唱會,我媽咪都有嚟睇,但係我後來冇令到佢失望咁樣、完全摧毀咗自己嘅演藝生涯。我好想去報答佢、好想去做番啲嘢。「喺2016年7月,媽咪因為生cancer離開咗(但大螢幕寫Tommy母於2017年離世)。呢一個琴,就係佈置畀媽咪嘅,我知道佢離開嘅時候,仲係好擔心我呢個衰仔,頭先送花畀我嘅,其實係我哥哥個女,即係佢個孫。我今日好努力咁樣想做好自己,即使媽咪唔喺度,但我相信佢都係會好開心嘅,我會乖㗎喇!」Tommy派洋葱期間,台下不斷有觀眾大叫「支持你」。然後E-kids再度齊腳,唱出古巨基嘅《友共情》。

「 我今日好努力咁樣想做好自己,即使媽咪唔喺度,但我相信佢都係會好開心嘅,我會乖㗎喇!」
向亡母鞠躬。但母親離世的年份就打錯了,應是2016年。 鋼琴後的Tommy
「媽咪好失望,試過食飯嘅時候,故意唔擺我個位。」

來源 source: http://s.nextmedia.com
鍾意就快D Share啦!