網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月16日 星期四

舒淇落重手遮肚 [壹週刊 - 1406] __,舒淇,M1,

6/2著到花喱碌,仲專登插住衫袋,扮晒脹卜卜都唔係因為有咗,就算小妹妹同佢byebye,舒淇都唔願伸隻手出嚟。同你吟一吟舒淇落重手遮肚舊年9月同馮德倫正式拉埋天窗後,舒淇便展開長休計劃,除咗之前接落或者電影上畫必要嘅宣傳,其他時間,無工作日!明顯要趕工生B嘅舒淇,近月來出動打扮統一,口罩平底鞋鬆身衫,大肚三寶上身,甚至連有白頭髮都唔染。不過,對於成功佗B一事,兩公婆始終冇正面答案,馮德倫更加晒腩話 ...


6/2

著到花喱碌,仲專登插住衫袋,扮晒脹卜卜都唔係因為有咗,就算小妹妹同佢 bye bye,舒淇都唔願伸隻手出嚟。

同你吟一吟

舒淇落重手遮肚

舊年 9月同馮德倫正式拉埋天窗後,舒淇便展開長休計劃,除咗之前接落或者電影上畫必要嘅宣傳,其他時間,無工作日!

明顯要趕工生 B嘅舒淇,近月來出動打扮統一,口罩平底鞋鬆身衫,大肚三寶上身,甚至連有白頭髮都唔染。不過,對於成功佗 B一事,兩公婆始終冇正面答案,馮德倫更加晒腩話有 B嘅係自己。

點都好!最近《壹》仔一連兩日喺中環見到舒淇,繼續遮肚!上星期一(二月六日),佢著咗件花喱碌嘅 zip up襯闊牛仔褲出街,因為拉埋拉鏈件衫會較貼身,唔想俾人見到個肚有幾大嘅舒淇,雙手插袋,令脹起嘅腹部脹上加脹,轉移視線。第二日(七日),約朋友喺九如坊「大班樓」食 lunch,再重手啲!著咗件質料挺剪裁呈桶狀嘅外套,保證萬無一失。

咁嘅衫都俾你搵到,咁重手,舒淇你話乜就乜

上車呢一下,八珍真係覺得舒淇有啲論盡。

7/2

長頸巾遮肚之餘,呢件罩一樣嘅外套,更加幫到手;食完飯,舒淇出門前不忘郁手扣埋鈕,以防萬一。

去年 9月同拖拉多年嘅馮德倫結婚後,舒淇就開始停 job,為四十歲做阿媽全面努力。

撰文:八珍


鍾意就快D Share啦!