掃呢頁CODE去手機

2017年2月5日 星期日

【獨家】20年前《鹿鼎記》絕密相 韋小寶7個老婆認得幾多個? __,小寶,陳嘉佳,

陳少霞98年喺陳小春主演嗰套大台劇《鹿鼎記》演「雙兒」,呢一班韋小寶老婆仔老友鬼鬼,月前佢哋相約敍舊,前晚「建寧公主」劉玉翠仲為朱咪咪紅館個唱擔任表演嘉賓,而陳少霞都有約埋「阿珂」梁小冰同「神龍教教主夫人」馮曉文捧場,小冰就將啲相放上facebook,三個人完騷後仲入後台搵阿翠大合照同送花,認真老友。小冰噚日透過WhatsApp回應《蘋果》,話噚晚由秘道入場,小冰仲俾咗幾張《鹿鼎記》嘅相《蘋果》, ...




其他影片:>>






陳少霞98年喺陳小春主演嗰套大台劇《鹿鼎記》演「雙兒」,呢一班韋小寶老婆仔老友鬼鬼,月前佢哋相約敍舊,前晚「建寧公主」劉玉翠仲為朱咪咪紅館個唱擔任表演嘉賓,而陳少霞都有約埋「阿珂」梁小冰同「神龍教教主夫人」馮曉文捧場,小冰就將啲相放上facebook,三個人完騷後仲入後台搵阿翠大合照同送花,認真老友。小冰噚日透過WhatsApp回應《蘋果》,話噚晚由秘道入場,小冰仲俾咗幾張《鹿鼎記》嘅相《蘋果》,佢仲喺短訊話:「《鹿鼎記》20年前絕秘照片第一次大公開,那是1997年11月拍攝的40集金庸小說改編電視劇。當年大家20出頭,未埋位的時候就打架!轉個頭又攬頭攬頸親親熱熱,友情就係由打打鬧鬧培育番嚟嘅。唔信?有圖為證!」呢班姊妹有幾情深,小冰繼續話:「你睇『建寧公主』劉玉翠真係刁蠻任性㗎!『阿珂』都欺負!『蘇荃』馮曉文真係好美艷,而『方怡』徐濠縈就成日織長長的冷頸巾俾……」雖然小冰唔講落去,但都應該估到係當年同阿徐拍緊拖嘅陳奕迅啦。

梁小冰俾咗幾張98年《鹿鼎記》嘅相,喺幕後呢班韋小寶老婆好親密。 陳少霞係「雙兒」,梁小冰係「阿珂」,馮曉文係「神龍教教主夫人」,徐濠縈係「方怡」,鄺文珣係「沐劍屏」。 仲有「建寧公主」劉玉翠,同「韋小寶」陳小春。
梁小冰俾假人壓住,劉玉翠笑得好開心。 過咗咁多年,呢幾位老婆仲好好感情。
劉玉翠前晚做朱咪咪演唱會嘉賓,小冰喺後台送花。

來源 source: http://s.nextmedia.com
鍾意就快D Share啦!