掃呢頁CODE去手機

2017年2月3日 星期五

【獨欠男主人】身家成億 34歲富婆阿Sa帶三狗遷紅山半島 __,阿Sa,蔡卓妍,

愛情路上成日受傷嘅阿Sa蔡卓妍,識男朋友嘅眼光,可能唔夠佢投資咁好,手持至少五個單位物業,單係收租,每月已逾20萬元,有指其物業,加埋Sa爸或由Sa媽持有嘅,夾埋市值已逾8千萬。阿Sa身家過億不是夢。前年阿Sa喺一手市場購入大潭紅山半島7座中層B室,作價3,372萬。單位實用面積1,582平方呎,3房間隔,呎價2.13萬元。去年初因為樓價急跌,豪宅未能倖免,阿Sa紅山半島嘅單位估價亦在期內跌5.9 ...




其他影片:>>






愛情路上成日受傷嘅阿Sa蔡卓妍,識男朋友嘅眼光,可能唔夠佢投資咁好,手持至少五個單位物業,單係收租,每月已逾20萬元,有指其物業,加埋Sa爸或由Sa媽持有嘅,夾埋市值已逾8千萬。阿Sa身家過億不是夢。前年阿Sa喺一手市場購入大潭紅山半島7座中層B室,作價3,372萬。單位實用面積1,582平方呎,3房間隔,呎價2.13萬元。去年初因為樓價急跌,豪宅未能倖免,阿Sa紅山半島嘅單位估價亦在期內跌5.9%,帳面估值跌曾近200萬元,後來升番仲企硬3,500萬。嗰陣有傳阿Sa買紅山半島係為咗搬離舊愛陳偉霆,費事住同一屋苑篤眼篤鼻,阿Sa否認。但當時問佢係咪已擁幾億元身家?阿Sa不置可否笑道:「如果係,係咪可以交少啲稅先?」咁難明嘅?最近阿Sa前夫鄭中基開個唱細,跟住rundown編排向曾愛上基嘅女孩送上一曲《無賴》,就連舊愛楊千嬅都上埋台世紀合唱,阿Sa卻於呢個時候飛咗去泰國度假,同行仲有姚子羚同佢男友的士邦鄭子邦、關智斌等等。咁點解無啦啦講紅山半島?因為今日有周刊報道話,阿Sa已經搬咗入去住喇,新屋有無敵海景,仲有3間房,但暫時都係得阿Sa同三隻狗狗一齊住,男主人仲未搵到。10個鐘頭前,阿Sa終於搭飛機返港,回程途中欣賞了新海誠嘅《你的名字。》,感受良多。阿Sa謂:「看完後有一種久久不能平復的心情⋯有時你以為很真實的,結果原來只是夢,當你以為是夢的時候卻無比真實⋯『夢裏相逢人不見,若知是夢何須醒,縱然夢裏常幽會,怎比真如見一回。』其實相遇或錯過都是命中注定『組合成形,扭纏圍繞,時而返回,中斷、再聯繫。這就是組紐,這就是時間。這就是『結』。』有點唏噓又帶有希望⋯讓人很忐忑!所以我要再看一次。」未知是否因為一個無賴而令阿Sa有如此感受?

阿Sa貼圖寫道:「努力工作就是為了可以開心放假。」大家咁話啦。 (阿Sa ig圖片) 看《你的名字。》有感 (阿Sa ig圖片)

來源 source: http://s.nextmedia.com
鍾意就快D Share啦!