掃呢頁CODE去手機

2017年2月11日 星期六

有嘢睇!《復仇者聯盟3》驚喜發布花絮片 __,復仇者聯盟,

《復仇者聯盟3》有花絮片!等到超英迷頸都長嘅漫威晒冷超英片《復仇者聯盟3》(Avengers:InfinityWar)已經開拍,導演羅素兄弟(TheRussoBrothers)今日驚喜發放幕後花絮,粉絲唔使等到下年上映就可以先睹為快!片段長達3分幾鐘,一開頭就有「TheCollector」講「無限聖石」的源來,鏡頭剪輯過往多部超英電影,講6粒「無限聖石」已經曝光,當中包括《奇異博士》(Doctor ...


《復仇者聯盟3》有花絮片!

等到超英迷頸都長嘅漫威晒冷超英片《復仇者聯盟3》(Avengers: Infinity War)已經開拍,導演羅素兄弟(The Russo Brothers)今日驚喜發放幕後花絮,粉絲唔使等到下年上映就可以先睹為快!

片段長達3分幾鐘,一開頭就有「The Collector」講「無限聖石」的源來,鏡頭剪輯過往多部超英電影,講6粒「無限聖石」已經曝光,當中包括《奇異博士》(Doctor Stange)中的「Eye of Agamotto」(即係佢心口掛住令佢可以扭轉時間嘅法寶,中間綠色嘅就係其中一粒「無限聖石」),相信今集故事完全圍繞「無限聖石」,至於片段仲有大隊首日拍攝的場景,「蜘蛛俠」Tom Holland、「鐵甲奇俠」羅拔唐尼(Robert Downey Jr.)與「星爵」Chris Pratt齊齊受訪,雖然得Chris有著戲服,但見到三人聚集已經好驚喜,Tom仲話自己同朋友睇《復仇者聯盟》(Avengers)時,根本冇諗過有一日可以參演!

至於兩位導演羅素兄弟亦有現身講到今集故事背景,話「鐵甲奇俠」已經唔同「美國隊長」聯絡,而「復仇者」又名存實亡嘅時候:「東尼(鐵甲奇俠)感受到有巨大威脅,用盡自己能力保護地球。」漫威主席Kevin Feige亦有講到電影系列由《鐵甲奇俠》(Ironman)就開始籌劃,鋪墊今集大奸友「Thanos」現身!片段仲有一幕係「鐵甲奇俠」檢閱幾套戰甲,唔知係咪準備「鐵甲奇俠軍團」出動!此外,羅拔唐尼同日亦於片場玩直播,搵咗為特效成面點點嘅「蜘蛛俠」做私人攝影師,仲有「星爵」上鏡,羅拔即場回答粉絲問題,仲入晒戲自言與「美國隊長」未好返!


來源 source: http://hk.on.cc
鍾意就快D Share啦!