2017年2月10日 星期五

【獨家】全靠《3D肉蒲團》帶挈變千萬富婆? 藍燕:真係好彩拍咗! __,藍燕,

講起藍燕呢個名你未知佢係邊個,但如果你睇番佢變番古裝,你就會記得......冇錯佢就當年拍《3D肉蒲團之極樂寶鑑》嘅女主角,當年僅21歲嘅內地演員藍燕喺戲中飾演葉山豪老婆,三點盡露一脫成名,不過拍完《肉蒲團》之後,佢似乎無咗影,原來佢選擇全面留喺大陸發展,佢仲自稱有千萬身家O添!藍燕早前嚟咗香港過節,仲喺金鐘接受《蘋果》專訪,久違了嘅藍燕33D上圍依然「偉大」,不過衣着打扮就刻意「封胸」,只係露出 ...


講起藍燕呢個名你未知佢係邊個,但如果你睇番佢變番古裝,你就會記得......冇錯佢就當年拍《3D肉蒲團之極樂寶鑑》嘅女主角,當年僅21歲嘅內地演員藍燕喺戲中飾演葉山豪老婆,三點盡露一脫成名,不過拍完《肉蒲團》之後,佢似乎無咗影,原來佢選擇全面留喺大陸發展,佢仲自稱有千萬身家O添!藍燕早前嚟咗香港過節,仲喺金鐘接受《蘋果》專訪,久違了嘅藍燕33D上圍依然「偉大」,不過衣着打扮就刻意「封胸」,只係露出條腰,影相時大擺S甫士晒長腿。藍燕話呢幾年內地發展好滿意,但佢啲廣東話就明顯退步咗:「我0依家喺內地發展梗係好,好多戲拍,一年至少可以拍4套,每部片酬都有7位數,商演登台都係咁接,收入幾好。所以我呢幾年買咗好多路(樓),我近日仲買咗李嘉誠起嗰間villa(別墅),我0依家上海同北京都幾間物業,遲啲都會嚟香港買。」 藍燕話全靠《肉蒲團》帶挈,所以佢當然唔後悔拍過三級片,佢話:「唔會呀,完全係一個轉捩點,令我人生改變,其實拍三級片唔係唔好,全球都會放映,內地沒有呢啲分級,呢啲係香港嘅文化,喺荷李活都唔算三級。我真係冇後悔,當日套戲我一開始就睇中去演,最初係叫我演冬梅(周防雪子內飾演),唔係女主角,但我爭取做女一。」當年宣傳《肉蒲團》時,有指藍燕只得40萬片酬,比同戲日本AV女優原紗央莉少一半,藍燕爆料:「當日我冇唔拎片酬,蕭若元畀我股票,拎咗幾多就唔話你知,啲股票我至今冇賣,但之前有賺過,增值咗3、4倍。」時至今日,藍燕話湖南衛視都點名要邀請佢拍內地劇《隋唐英雄》做女主角,佢話:「佢哋任我開價,我真係好彩拍咗《肉蒲團》,內地知度加咗好多倍。」藍燕話近年拍內地劇同電影,全部都唔使佢性感拋胸,唔係話佢唔肯賣肉,佢話:「主要係尺度問題。」問到如果o依家再開拍新版《肉蒲團》時,藍燕仲會唔會演出?佢話:「咁要拍4D喇,要拍VR,可以一齊投資。不過佢哋有好嘅項目都可以一齊合作。」不過藍燕喺《肉蒲團》係三點盡露,新版會有突破嗎?佢風騷話:「我拍戲好多都係搵替身。」佢近年除咗幕前演出同投資樓房之外,仲做埋生意,佢話:「我呢幾年都有喺香港開註冊公司,搞吓美容同賣衫。」十足十女強人咁噃!場地:L16

(攝影:陳俊強) 藍燕早前嚟咗香港過節,仲喺金鐘接受《蘋果》專訪 佢話唔後悔當年拍《3D肉蒲團之極樂寶鑑》,仲話係佢人生嘅轉捩點
令佢喺大陸知名度多咗好多
藍燕當年喺《3D肉蒲團之極樂寶鑑》飾演葉山豪喺戲中嘅老婆鐵玉香

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...