娜姐分別與大衞（左上）、Mercy James（右上）、露迪絲（左下）與洛高合照。
58歲美國天后麥當娜（Madonna）除女兒露迪絲（Lourdes）與兒子洛高（Rocco）外，曾領養馬拉維男孩大衞（David）與女孩Mercy James，成家勁多細路，但娜姐還嫌未夠本，上月有傳再度領養，遭她否認。但多個傳媒爆料，指馬拉維高等法院昨日批准娜姐領養當地一對4歲的孖女Stella與Esther，娜姐、孖女的父親與叔叔都有上庭。
馬拉維法院發言人Mlenga Mvula透露，孖女的母親於2012年8月死亡，當時她誕下孖女一個星期：「阿媽死後，孖女由祖母照顧，但佢無法完全負擔到，最後送咗佢哋去孤兒院。」政府會派人員跟隨娜姐到美國，確保她能為孖女提供一個好住所。Mlenga又指娜姐與馬拉維關係密切：「佢參與好多計劃，目前幫緊擴充伊莉莎伯醫院兒童病房。麥當娜經常都有嚟馬拉維，所以對馬拉維人嚟講唔會覺得好唔尋常。佢哋好清楚麥當娜為社區所做嘅工作。」
來源 source: http://hk.on.cc
|
鍾意就快D Share啦！
|
|
|