掃呢頁CODE去手機

2017年2月9日 星期四

53歲章小蕙老退化 [壹週刊 - 1405] __,章小蕙,M1,

章小蕙揀嘅眼鏡框以輕為主,款式平實。同你吟一吟53歲章小蕙老退化娛樂圈奇人奇事多,上世紀就有前B嫂章小蕙!當年同阿B炒樓炒到欠債2.5億、以人妻身份同人夫陳曜旻搞不倫戀、剝衫拍三級片《桃色》、同范姜胞妹喺屋企大堂開拖,搞到要報警""鑊鑊高潮。叱咤娛樂版一時,直至搬去美國長住,章小蕙雖然會蒲頭香港,但已轉行做中介,不再浮誇。傳聞近年亦會沾手電影,幫內地片商洽購劇本版權,從中賺佣。今個新歲章小蕙同媽咪 ...


章小蕙揀嘅眼鏡框以輕為主,款式平實。

同你吟一吟

53歲章小蕙老退化

娛樂圈奇人奇事多,上世紀就有前 B嫂章小蕙!當年同阿 B炒樓炒到欠債 2.5億、以人妻身份同人夫陳曜旻搞不倫戀、剝衫拍三級片《桃色》、同范姜胞妹喺屋企大堂開拖,搞到要報警""鑊鑊高潮。

叱咤娛樂版一時,直至搬去美國長住,章小蕙雖然會蒲頭香港,但已轉行做中介,不再浮誇。傳聞近年亦會沾手電影,幫內地片商洽購劇本版權,從中賺佣。

今個新歲章小蕙同媽咪一齊返香港過年,《壹》仔有日就响中環「亮視點」見到佢試眼鏡,坐低同店員有傾有講,又攞住份驗光報告,聽店員解釋數據資料。

近視?散光?定老花?抑或樣樣有!章小蕙再敢作敢為,始終逃唔過人老就退化嘅命運;話晒 53歲,差不多

攞住列明鏡片上每項度數嘅報告,章小蕙細心聽店員逐一解釋清楚。

上世紀嘅新聞女王, 05年搬去美國長住,並一度喺荷李活搵食,但近年已轉做中介,靠幫內地片商傾版權,從中賺佣。

搞完眼鏡跟住去攞乾洗,之後再騰番去威靈頓街等接老媽子。

兩母女行過鏞記等的士,足足等咗半粒鐘先上到車。

撰文︰八珍


鍾意就快D Share啦!