掃呢頁CODE去手機

2017年2月9日 星期四

88歲外婆避霧霾 林作媽蘇梅島買地起屋 [壹週刊 - 1405] __,林作,M1,

名人動態88歲外婆避霧霾 林作媽蘇梅島買地起屋剛過去的農曆年假期,林作媽(王莉妮)帶隊,一家十一人齊飛泰國蘇梅島度歲,其中包括88歲的外婆以及胞妹、姨甥等。經常香港、深圳兩邊住避霧霾的外婆,對空氣清新的蘇梅島極度喜愛,更有意得閒過去住吓。奉母至孝的林作媽即時動腦筋,在當地投資五百萬買地起屋,既可自住又可出租,加上有升值潛力,一舉數得。五百萬有交易向來喜歡投資磚頭的林作媽,早前便以六千五百萬購入半山 ...


名人動態

88歲外婆避霧霾 林作媽蘇梅島買地起屋

剛過去的農曆年假期,林作媽(王莉妮)帶隊,一家十一人齊飛泰國蘇梅島度歲,其中包括 88歲的外婆以及胞妹、姨甥等。

經常香港、深圳兩邊住避霧霾的外婆,對空氣清新的蘇梅島極度喜愛,更有意得閒過去住吓。奉母至孝的林作媽即時動腦筋,在當地投資五百萬買地起屋,既可自住又可出租,加上有升值潛力,一舉數得。

五百萬有交易

向來喜歡投資磚頭的林作媽,早前便以六千五百萬購入半山麥當奴道一個複式豪宅,農曆年間,舉家到蘇梅島享受陽光與海灘,入住日租要一萬元的豪華度假屋,竟又挑起她的生意筋,計劃沾手蘇梅島房地產。

「其實主要原因係(林作)外婆好鍾意嗰邊環境,佢好多時香港、深圳兩邊住,就係要避開霧霾,今次响蘇梅島玩咗幾日,空氣好又成日見到陽光,佢老人家覺得好舒服,好想可以住耐啲;老人家出到聲,我咪即刻搵經紀問吓價,如果喺海邊買地起屋,就一百萬美金左右,山上嘅就平啲,大概五百萬港幣,真係唔算貴。其實近年好多內地人鍾意喺嗰度買屋,搭三個鐘飛機就到,所以有升值潛力。」林作媽說。

唔怕隔山買牛的林作媽,把握時間,在當地度假期間,已睇中兩個地段,最後決定選擇在山上買地起屋。

「我哋今次本來 book咗間海邊度假屋,但因為怕落雨水浸,最後改咗住山上面。山上嘅度假屋比較穩陣,價錢又平成兩百幾萬,一樣有海景,比較化算。我打算起一幢連花園泳池嘅三層屋,面積大概有一萬六千呎。復活節會飛多一次,睇埋啲細節,到時就會落實所有嘢。」

外婆今年 88歲,依然身壯力健,林作媽說蘇梅島環境舒適,好啱老人家。

林作媽說今次入住度假屋雖然日租一萬,但有兩萬泰銖(約四千四百港幣)回贈,夠一家人大吃一餐及做按摩療程,果然精明。

新屋設有 infinity pool。

飯廳有落地玻璃窗,在靚景色下吃飯。

新屋會以度假屋為設計藍本,地下包括客、飯廳。

林作媽睇中山上位置建獨立屋,可俯覽蘇梅島景色。

農曆年,林作媽帶隊一家十一人到蘇梅度假,齊入住有六間房的度假屋。

麥明詩跟林作再見亦是朋友,被無綫力捧的她,近日正拍攝《使徒行者 2》。

林作投反對票

過去在深圳、北京以及香港都有投資磚頭,做環保生意的林作媽眼光有番咁上下,不過林作對她投資蘇梅島物業的決定,一度投反對票。

「阿 Joe而家成日都要捱夜睇文件預備官司,試過有啲客失驚無神朝早六點 send啲資料俾佢,又要即刻覆人,佢話搵錢好辛苦,叫我諗清楚先投資。不過見外婆咁鍾意,佢都冇再反對,其實度假屋可以好似酒店公寓,出租俾人回報唔錯,係值得投資。

「之前話我買麥當奴道間屋係買俾阿 Joe,梗係唔係其實係我自住同招呼朋友,去蘇梅島前一日,有個駐北京嘅貝寧國大使嚟同我拜年,我都喺新屋招呼佢。」林作媽說。

交遊廣闊的林作媽,不單投資跨境,人脈亦跨國,早前更被委任為西非貝寧國駐北京大使館的經濟及文化顧問。

林作在入伙前搞生日 P,請了六十多人,其中包括今屆港姐馮瑩瑩(前中)和她的醫生男友。

12月入伙的豪宅新居,好客的林作媽表示用來招呼朋友居多。(《蘋果日報》圖片)

林作媽同八國總統開會

今年初,林作媽被邀擔任貝寧駐北京大使館經濟和文化顧問,她說:「係朋友介紹我哋認識,佢覺得我哋可以幫到忙,咪邀請我做顧問。遲啲我做會長嘅中貝西非友好促進會會舉行 8+1峰會,到時會同埋領導人、西非八國總統一齊開會。」

母子倆跟貝寧駐北京大使在新屋合照。

貝寧駐北京大使給林作媽的任命書。

撰文:歐陽慧芯


鍾意就快D Share啦!