恭喜晒喎！
32歲的前天氣女郎黃婉曼（Icy）擁有32F激凸身材，於2014年尾下嫁拍拖多年的會計師兼馬主馮柏基後，即不設防努力造人，追B追了足足兩年多，將於本周六（25號）33歲生日的Icy最近終於有好消息，據悉現時她已懷有約三個月身孕，並停工專心安胎，其夫亦愛妻心切，為了讓太太專心養肥B，夫婦最近亦搬入了大埔逸瓏灣約二千呎豪宅迎接新生命，早前Icy於社交網上載靚相時，雖然她身穿大褸遮肚，但身形已圓潤不少。
激罕着平底鞋
而自從有喜後Icy亦深居簡出，不過昨日適逢賽馬日，她也趁機出關，下午約一時她與老公於司機接載下，乘白色七人車前往了沙田馬場觀賞賽事，Icy下車時老公亦在旁攙扶為她護駕，穿上鬆身大褸的她明顯肚凸凸，平時最愛穿高跟鞋的Icy更罕有穿上了平底鞋，就連臉頰亦見浮腫，見她下車後便與老公步往貴賓席，及至賽事完結夫婦二人才返家。
搬大屋有BB房
對於被拍到肚凸凸，Icy接受電話訪問時難掩喜悅笑晒說：「我一路都好想有BB，我係ready嘅，不過一直忙住做自己盤生意，希望事業、愛情、家庭一齊兼顧到。（即係有好消息未講得？）講得嘅時候就會講。（老公好錫你買咗豪宅畀你安胎？）又唔係豪宅嘅，因為有BB，想有BB房，想地方大啲，呢度環境好啲，空氣清新啲。（依家係咪忙調理身體？）依家每日都返工，都係正常飲食，係休息唔夠。」又指老公心痛叫自己多休息。
來源 source: http://hk.on.cc
|
鍾意就快D Share啦！
|
|
|
