2017年2月26日 星期日

《東網Baby》:36D巨胸的煩惱!黃文意唔再忍鬧走色狼 __,Baby,黃文意,Angelababy,

唔好再忍呀!黃文意(Mandy)早前在無綫節目《3日2夜》中穿上噴血三點式浸溫泉,36D「胸器」令人刮目相看,即時被宅男封為「女神」!加入無綫一年的她,原來當初報讀藝員訓練班,落選後反而被點名試鏡,因而踏上主播之路。她自爆入行初期不時撞板,認錯藝人、搞錯節目名之餘,更因小動作多多而成為藝人的模仿對象。3歲就拍廣告其實Mandy細細個已開始演藝生涯,擁有一雙大眼睛、樣貌可愛的她,3歲便與黃美棋拍廣告 ...


唔好再忍呀!

黃文意(Mandy)早前在無綫節目《3日2夜》中穿上噴血三點式浸溫泉,36D「胸器」令人刮目相看,即時被宅男封為「女神」!加入無綫一年的她,原來當初報讀藝員訓練班,落選後反而被點名試鏡,因而踏上主播之路。她自爆入行初期不時撞板,認錯藝人、搞錯節目名之餘,更因小動作多多而成為藝人的模仿對象。

3歲就拍廣告

其實Mandy細細個已開始演藝生涯,擁有一雙大眼睛、樣貌可愛的她,3歲便與黃美棋拍廣告,4歲加入影圈與袁詠儀、吳鎮宇、方中信及黃子華等「猛人」合作,眾演員中,以靚靚令她最難忘:「我對佢又愛又怕,佢係一個對工作非常嚴謹嘅人,對我要求都一樣,佢當咗我係佢個女,如果我唔乖或者演得唔好就會話我,佢令我明白到時間嘅重要性!」相對於性格剛強的靚靚,幾位猛男則當Mandy如珠如寶:「有場戲我要仆低喊,鎮宇抱起我,但我喊唔出,佢好有耐性咁陪我入戲;方中信就成日喺片場抱住我,好有愛;子華呢……成日講爛Gag令大家好開心!」

畀同學笑個胸似橙

Mandy的36D上圍令不少女生羨慕,但亦為她帶來煩惱,中學時即使大熱天時,她也會穿冷衫遮掩,奈何仍被人以「橙」形容其胸形,更不時被性騷擾:「我成日喺地鐵畀人非禮,有伯伯行過專登用手㬹撞我個胸,初頭唔敢出聲,但遇多幾次之後,我就敢大聲嗌『邊個揩油!』當然冇人理。又試過行花市畀人彈Pat,又係大嗌都捉唔到人,啲男人只係好驚咁四散!(唔想大胸?)我不嬲圓潤,都羨慕圈中好多女仔有馬甲線,但我減肥就連個胸都縮水。」談到感情生活,她自爆入行後曾暗戀別人,可惜被狠狠拒絕。問到性感上陣表白會否有着數?她說:「喺呢行,身材好過我嘅大有人在。」

體育堂勁Sweet 男同學捉手仔

體藝中學畢業的Mandy,本以為運動好勁,怎料接受東網突擊測試花式跳繩時竟一仆一碌,明顯手腳唔協調,更因Kick 親而幾乎仆低!她尷尬地說:「其實我喺體藝讀藝術嘅,因為我嘅運動細胞係零。上體育堂時,老師唔會訓練我哋,但同學之間會互相學習,我哋教體育勁嘅畫吓蘋果,佢哋就捉住我隻手射籃。(用呢招識男仔?)足球隊有一、兩個係風頭躉,大家都有少少Feel,但對方追追吓又冇追。唔知點解我間中都會有呢個情況,試過有男仔作歌畀我,我好大膽問佢係咪鍾意我,佢竟然答『唔知』,真係激死我!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...