掃呢頁CODE去手機

2017年2月15日 星期三

【獨家】孖心穎BB睇戲斷正 43歲馬國明尷尬:笑吓啦! __,心穎,心穎BB,馬國明,黃心穎,

前日啱啱度過43歲生日嘅馬國明,被視為圈中筍盤,自從佢同胡定欣分手之後,大家都似乎好着急佢啲感情事,一時話佢同洪永城爭唐詩詠,早前仲有周刊報道話佢借做義工為名、「相睇」為實,不過馬明事後否認,仲話:「呢個社會都自由戀愛啦,朋友介紹朋友就唔介意,如果相睇兩個人食飯就好奇怪,我同媽咪由頭到尾都唔急。」(新聞連結:http://bit.ly/2jJSxnD)不過馬明嘅戀事近日又有新進展,有傳馬明同現年2 ...


前日啱啱度過43歲生日嘅馬國明,被視為圈中筍盤,自從佢同胡定欣分手之後,大家都似乎好着急佢啲感情事,一時話佢同洪永城爭唐詩詠,早前仲有周刊報道話佢借做義工為名、「相睇」為實,不過馬明事後否認,仲話:「呢個社會都自由戀愛啦,朋友介紹朋友就唔介意,如果相睇兩個人食飯就好奇怪,我同媽咪由頭到尾都唔急。」(新聞連結:http://bit.ly/2jJSxnD)不過馬明嘅戀事近日又有新進展,有傳馬明同現年28歲嘅黃心穎暗撻一年,當日因為拍《為食神探》嘅關係,造就咗機會畀黃心穎主動追求,但係馬明一向都低調處理感情,堅持玩地下情,所以拍拖嘅地點只會喺雙方屋企,試過有人見到心穎BB半夜載馬明返屋企短聚,其後兩人矢口否認。(新聞連結:http://bit.ly/2jrpDaE)或者正如馬明話齋,要了解吓先知啱唔啱「嘴形」,日前有《蘋果》讀者陳小姐透過「爆相爆片」捕獲佢哋去睇戲。陳小姐話嗰日大約5點幾,佢喺UA太古城中心睇戲,喺臨入場見到馬明同黃心穎,陳小姐話:「嗰陣佢哋冇拖手,馬明戴住頂帽,黃心穎就化咗淡妝,查實都唔係太起眼,不過因為喺散場嗰陣見到佢哋喺我前面,所以先影佢哋,可能我哋係同一個戲院睇戲。」佢仲話:「當時戲院嘅人流唔多,但係馬明啲警覺心好高,稍為多幾個人,佢哋就會分得好開,行落一層之後,佢哋喺行咗去一個可以去平台嘅出口,眨吓眼就唔見咗人!」事後馬明同黃心穎分別接受傳媒訪問,講到o依家係拍拖抑或了解中,馬明只係話:「笑吓新年快樂呀!」心穎就話:「朋友睇場戲啫!」

(左圖:讀者陳小姐提供圖片) 馬明日前孖心穎去太古城(讀者陳小姐提供圖片) 打扮都好襯吓(讀者陳小姐提供圖片)
刻意保持距離(讀者陳小姐提供圖片) 馬明同心穎BB疑拍劇撻着(劇照) 馬明睇嚟好鍾意戴呢款帽(資料圖片)
馬明同唐詩詠曾傳緋聞,兩人以兄妹相稱,幻想空間無限。(資料圖片)

來源 source: http://s.nextmedia.com
鍾意就快D Share啦!