掃呢頁CODE去手機

2017年2月19日 星期日

【獨家】孝心馬明慳家買倉底新車 載心穎BB又載媽子 __,馬明,黃心穎,心穎,心穎BB,馬國明,

今年43歲嘅馬國明,有型有款有事業,本來已經係娛樂圈筍盤,上年首次置業做埋業主,以1,960萬買入太古城金楓閣頂層單位同屋企人住,更加升格為「特級荀盤」。雖然,馬國明曾經講過想再買磚頭保值,之不過男人愛車係人知常情,《蘋果》就噚日就影到馬國明有新車落地喇!之前揸開新車價近50萬三菱Pajero嘅馬國明,今次仲嚟一個大躍進,買咗架新車價接近84萬嘅黑色平治CLA45AMG,係咪為咗心穎BB換就唔知, ...


今年43歲嘅馬國明,有型有款有事業,本來已經係娛樂圈筍盤,上年首次置業做埋業主,以1,960萬買入太古城金楓閣頂層單位同屋企人住,更加升格為「特級荀盤」。雖然,馬國明曾經講過想再買磚頭保值,之不過男人愛車係人知常情,《蘋果》就噚日就影到馬國明有新車落地喇!之前揸開新車價近50萬三菱Pajero嘅馬國明,今次仲嚟一個大躍進,買咗架新車價接近84萬嘅黑色平治CLA45 AMG,係咪為咗心穎BB換就唔知,不過記者發現新車行車證顯示車輛出廠年份係2015年,即係話馬國明為咗買磚頭,原來忍手忍足兩年,趁住呢個型號出新款前先入手,咁識計數,真係唔叫你男神點得吖!噚日上晝10點半左右,收到讀者余小姐報料,話喺紅磡見到男神馬國明,同兩名女子,一行三人入咗去Benz車廠位於寶來街嘅show room,《蘋果》趕到現場,大約11點鐘終於發現戴帽戴眼鏡,着住黑褸粉紅tee嘅馬國明,當時佢坐喺一架Benz車頭乘客位,駕車是一位相信係車行職員嘅男仕,而後坐就坐咗兩位女仕。其後司機將車駛入車行停車場位置,隔一陣就見馬國明由乘客變做司機,本來坐後座的女仕原來係馬媽媽,離開時馬媽媽仲改坐前座乘客位。新車落地,見馬國明揸車份外小心,除咗全程慢慢行,CUT線都睇得好清楚先扭軚,之後佢駕新車直駛返回太古城,發現記者嘅佢,即刻叫媽咪先落車,而同行嘅另一位女子,原來係馬國明姐姐,待二人離開後,馬國明將車泊喺路邊,然後攞住樽水落車,記者上前問佢係咪買咗新車?佢就好似有啲唔耐煩咁,邊行邊答:「得喇,我冇嘢講㗎喇!」再追問佢係咪買咗新車,佢就繼續行住答:「係呀!多謝你呀吓!(貴唔貴呀?)多謝關心呀吓!拜拜!」

(採訪、攝影:吳耀輝、畢紹基) 呢部車,幾時會截下心穎BB呢?
車就係15年款,咁買係唔係會平啲啲呢? 新車落地,馬明都揸得好小心
馬明新車落地,第一時間都係車媽媽同家姐

來源 source: http://s.nextmedia.com
鍾意就快D Share啦!