黃榕（右起）與尹蓁晞上香，點知畀匿埋喺下面嘅黃夏蕙搶到位上香。
藝人黃榕（Gloria）與尹蓁晞（Yumi）低胸裝現身鯉魚門，為新片開鏡儀式大騷事業線。
Gloria自爆上圍縮水：「近排做Gym，搞到瘦咗，上圍縮咗，C Cup變B Cup，搞到要買過晒啲Bra，之前98磅，依家90磅， 我想參加健身比賽，或者之後再食番肥啲戲入面我哋要色誘阿Bob（林盛斌），要摸佢全身、誘惑佢，但重要部位唔使摸，因為劇情唔使，不過我想摸，我講想摸佢塊面啫，好多肉好得意，咩啫，塊面都好重要㗎！」
而Yumi則被指愈減愈肥，她解釋：「我都有努力減肥，盡量一日食一餐，依家55kg左右，遲啲要跟黃榕去做健身先得。（戲中色誘阿Bob？）好開心同佢合作，風趣幽默嘅男仔都幾吸引，以前上過佢節目，已經覺得佢風趣搞笑好得意！」
而每逢農曆新年都要上頭注香的黃夏蕙亦有份參演該片，唔知係上頭注香成了習慣，就連開鏡拜神都要爭，夏蕙BB趁兩位靚女影相之際潛行出擊，成功又畀佢喺下面上到香，仲搶埋鏡，真係成到盡！
來源 source: http://hk.on.cc
|
鍾意就快D Share啦！
|
|
|
