大家記唔記得烏莉亞娜？呢位巴西超火辣女旁證年紀輕輕已經執法過好多比賽，由業餘賽事到職業賽事、由女子賽事吹到男子賽事，3年前更加試過進軍巴甲，成為一時佳話。雖然依家只係27歲，但呢位球壇奇女子日前突然宣布退役，結束8年嘅球場生涯。
烏莉亞娜喺09年已經考獲球證牌照，至今參與過超過50場職業賽事執法，每次有佢落場，球迷目光都自然放咗喺場邊。烏莉亞娜接受巴西《環球體育》訪問，證實退役決定：「我唔係放棄足球，我仍然熱愛足球同執法，只不過人生有新嘅目標。」
據報烏莉亞娜啱啱完成咗一本叫《好玩球例》嘅書，依家正同多間出版社斟介，呢位靚女亦透露將會重返校園修讀新聞系，唔排除將來會轉行做體育主播。烏莉亞娜喺2014年首度參加巴甲賽事，但就因為多次犯錯而被停賽，當時曾被球圈中人批評「得個樣」，但佢之後再喺多場州聯賽賽事執法，深受球迷愛戴。
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
