掃呢頁CODE去手機

2017年2月6日 星期一

魯芬病逝:魯芬肺部衰竭離世 永別烈火奶奶 __,魯芬,

魯芬肺部衰竭離世,終年62歲;電影《九品芝麻官》入面「烈火奶奶」一角深入民心。(資料圖片)資深演員魯芬在新年期間身體不適突然入院,據知免疫系統出現問題,惜凌晨時段傳出離世消息,其家人事後發聲明證實,指魯芬因皮肌炎導致肺部衰竭,終年62歲。(1954年4月7日-2017年2月6日)。魯芬於1954年4月7日出生,原名張偉芬,在灣仔區長大,中學時期是運動方面活躍份子,擅長鉛球及跨欄等運動,更於校運會奪 ...




其他影片:>>






魯芬肺部衰竭離世,終年62歲;電影《九品芝麻官》入面「烈火奶奶」一角深入民心。(資料圖片)

資深演員魯芬在新年期間身體不適突然入院,據知免疫系統出現問題,惜凌晨時段傳出離世消息,其家人事後發聲明證實,指魯芬因皮肌炎導致肺部衰竭,終年62歲。(1954年4月7日-2017年2月6日)。

魯芬於1954年4月7日出生,原名張偉芬,在灣仔區長大,中學時期是運動方面活躍份子,擅長鉛球及跨欄等運動,更於校運會奪得鉛球金牌。除咗運動之外,唔好睇魯芬外形粗獷,佢亦識得玩中國樂器阮琴。

20幾歲時,魯芬跟契爺董驃入行,起初幾玩玩吓性質,大部份角色都係要女扮男裝,但魯芬一啲都唔介意,仲加埋誇張及騎呢造型,令佢演出嘅好多角色都深入民心,《九品芝麻官》入面嘅「烈火奶奶」就係其中之一,就係憑住呢個角色,魯芬喺內地有唔少登台商演機會。

雖然魯芬外形凸出專演惡人,好難同「女神」拉上關係,不過世事冇絕對,尤其喺網絡世界。2012年曾經有一個網絡票選女神活動,魯芬以另類姿態殺入8位,之後年年都有上升,去到2015年,魯芬喺網絡女神排行榜已經升到去第5位,連陳瀅、孫慧雪呢啲知名嘅「女神」都唔係佢對手。魯芬喺訪問中曾表示自己都估唔到:「多謝啲絲打巴打,因為做我呢個位都咁多人錫我,係唔容易!有時啲後生喺街見到我都會話好鍾意我,想同我影張相,我就會話得,等你好耐」


來源 source: http://hk.on.cc
鍾意就快D Share啦!