網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年2月16日 星期四

情侶裝打扮散場分開行 馬國明黃心穎鬼祟拍拖睇戲 __,心穎,馬國明,黃心穎,

情侶裝打扮 散場分開行馬國明黃心穎鬼祟拍拖睇戲【爆相爆片】現年43歲無綫小生馬國明外形不俗,有樓有事業,被封為圈中筍盤。讀者陳小姐日前透過本報「爆相爆片」,分享了馬國明跟2012年港姐亞軍、現年28歲的黃心穎在太古城鬼祟拍拖睇戲,兩人穿上情侶裝出動,散場時一見多人,馬國明即醒目分開行。【急步閃人】家住太古城的馬國明與素顏的黃心穎,散場時快步離開避人群。讀者提供圖片無綫小生馬國明人逢喜事精神爽,近日 ...


情侶裝打扮 散場分開行

馬國明黃心穎鬼祟拍拖睇戲

【爆相爆片】現年43歲無綫小生馬國明外形不俗,有樓有事業,被封為圈中筍盤。讀者陳小姐日前透過本報「爆相爆片」,分享了馬國明跟2012年港姐亞軍、現年28歲的黃心穎在太古城鬼祟拍拖睇戲,兩人穿上情侶裝出動,散場時一見多人,馬國明即醒目分開行。



【急步閃人】

家住太古城的馬國明與素顏的黃心穎,散場時快步離開避人群。讀者提供圖片

無綫小生馬國明人逢喜事精神爽,近日雖忙於拍攝劇集《深宮計》,大前日43歲牛一也在工作中度過,一直聲稱單身的他,外表木獨,卻深受異性歡迎,是圈中筍盤。讀者陳小姐日前透過本報「爆相爆片」,指馬國明秘密約2012年港姐亞軍黃心穎到太古城鬼祟拍拖睇戲,有圖有真相,馬心戀終斷正。



【蹺實合照】

黃心穎每年無綫節目巡禮例必在Ig上載與馬明的合照,去年更不避嫌挽對方手臂,關係日漸明朗化。



黃心穎是12年港姐亞軍,樣靚身材正。資料圖片



【戀情斷正】

一直盛傳拍拖的馬國明與黃心穎,日前穿着黑色情侶裝在太古城拍拖睇戲。讀者提供圖片

屋企附近出動

馬國明唯一承認過的女友是胡定欣,二人拍拖兩年,於2011年分手,回復單身的他,未再爆出有固定女友,但卻被指與洪永城爭唐詩詠。其實,馬國明去年跟黃心穎合作劇集《為食神探》時已被爆撻着,女方主動出擊融化天然呆的馬國明,更有人見過黃心穎半夜載馬國明返香閨短敍,他們例牌否認。

讀者陳小姐日前接受訪問時,表示當日下午5時許在太古城的UA戲院,入場時發現馬國明和黃心穎拍拖睇戲,陳小姐說:「嗰陣佢哋冇拖手,馬明戴住頂帽,黃心穎就化咗淡妝,都唔太起眼。」陳小姐指散場時再撞見馬國明和黃心穎,估計是跟他們看同一場戲,她續說:「當時戲院人流唔多,馬明警覺心好高,稍為多幾個人,佢哋就會分得好開,行落一層之後,佢哋行咗去一個可以去平台嘅出口,眨吓眼就唔見咗人!」家住太古城的馬國明,拍拖當然知碇,選擇熟悉的商場避耳目。

馬國明和黃心穎在情人節前拍拖睇戲,兩人雖未有明目張膽拖手,但他們打扮都襯到絕,除了黑色情侶裝,又齊齊戴眼鏡,令親密關係曝光。記者日前分別聯絡馬國明和黃心穎,問到兩人現在到底是否拍拖?馬國明回覆:「笑吓新年快樂呀!」黃心穎則說:「朋友睇場戲啫!」兩人似夾過口供,非常有默契。



【胸壓馬明】

有傳黃心穎拍《為食神探》時主動追馬國明,在劇中更有胸壓男方場面。劇照



黃心穎昨晚在上環拍劇時,被C君笑她是馬太。攝影:畢紹基

「相處幾舒服」

另外,黃心穎跟鄭詩君(C君)昨晚7時許在上環為無綫劇集開工,他們化完妝下車時,C君開玩笑說:「唔好影我啦,影馬太啦。」身後的心穎尷尬地笑。稍後心穎受訪時回應跟馬國明拍拖睇戲一事,她說:「自從單新聞之後,C君成日咁叫我馬太,我係黃小姐。」問是否跟馬國明約會睇戲?她說:「大家約大家,朋友睇戲啫,大家都係了解中。」被問到兩人相處如何?她說:「OK嘅,相處幾舒服,𠵱家係朋友關係,再進一步嘅話,到時再話大家知,未係正式拍拖。」

採訪:唐琛悠、孔志豪


鍾意就快D Share啦!